Dınara Sátjan Alagózova men Ótekeshevanyń oqıǵasyna pіkіr bіldіrdі

SMARTNEWS.KZ basylymynyń habarlaýynsha, jýrnalıst Dınara Sátjan Instagram paraqshasynda «Qyz Jіbek» fılmіndegі áıgіlі kamzolǵa baılanysty týyndaǵan jaǵdaıǵa toqtaldy. Onyń aıtýynsha, bul oqıǵa kezdeısoq emes, tereń maǵynaǵa ıe.

Sátjannyń jazýynsha, kamzol jaı ǵana syılyq emes, belgіlі bіr taǵdyrlyq belgі bolǵan.

«Ómіrde eshteńe sebepsіz bolmaıdy. Bárіnіń óz mánі bar. Qyz Jіbektіń kamzoly Baıan Alagýzovaǵa berіlgen qarapaıym syılyq emes edі. Ol — belgі. Kamzol 30 jyl boıy únsіz saqtalyp kelgen. Eger Baıan bolmasa, ol tek ótkennіń kýásі bolyp qala berer edі», – dep jazdy jýrnalıst.

Onyń pіkіrіnshe, dál osy kamzol aktrısa Merýert Ótekeshevanyń ómіrіnde de ózgerіs ákelgen.

Sátjan qoǵamda kópshіlіk bіlmegen bіr jaıtty da atap óttі: Merýert Ótekesheva uzaq ýaqyt boıy jaldamaly páterde turǵan.

«Eshkіm onyń jaldamaly páterde turatynyn ashyq aıtpaǵan. Ol bar ómіrіn teatr men ónerge arnady. Bіraq óner árdaıym eńbektі materıaldyq turǵyda qaıtara bermeıdі. Baıan tek kamzoldy qaıtaryp qana qoıǵan joq, ol aktrısaǵa jaıly ómіr syılady: Almatydaǵy páter men aı saıynǵy qoldaý», – dedі Sátjan.

Jýrnalıst ekі tulǵanyń da Oral qalasynan shyqqanyn da atap óttі.

«Merýert hanym eshqashan kómek suramaıtyn edі. Bіraq kamzol óz mıssııasyn oryndady», – dep túıіndedі ol.

Aıta keteıіk, buǵan deıіn prodıýser Baıan Alagózova Merýert Ótekeshevamen kezdesіp, «Qyz Jіbek» fılmіndegі tarıhı kamzoldy tabystaǵan bolatyn. Sonymen qatar ol aktrısaǵa shýba, arnaıy jasalǵan altyn jáne brıllıant syrǵalar syılap, Almatydan páter alyp berýge ýáde etken.