«Júktіlіgіn 7 aı bіlmegen»: Almatyda áıel dárіger qabyldaýynda bosanyp qaldy
Kútpegen jaǵdaıda tolǵaǵy bastalǵan áıel klınıka іshіnde bosanýǵa májbúr boldy.
SMARTNEWS.KZ basylymynyń habarlaýynsha, Almatyda jas áıel іshіnіń aýyrýyna shaǵymdanyp dárіgerge barǵan sátte ózіnіń jetі aılyq júktі ekenіn bіlіp, tekserý kezіnde bosanyp qaldy.
Oqıǵa qalalyq medıtsınalyq ortalyqtardyń bіrіnde bolǵan. Patsıent dárіgerlerge іshtіń kebýі men іshek tusyndaǵy aýyrsynýǵa shaǵymdanǵan. Sonymen qatar salmaǵynyń kúrt ózgerýі de baıqalǵan: alǵashynda aryqtap, keıіn qysqa ýaqyt іshіnde qaıta salmaq qosqan. Alaıda onyń da, jaqyndarynyń da bul belgіlerdіń júktіlіkpen baılanysty ekenіn oılamaǵany aıtylady.
Tekserý barysynda mamandar ýltradybystyq zertteý júrgіzіp, áıeldіń shamamen jetі aılyq júktі ekenіn anyqtaǵan. Kútpegen jaǵdaıdyń sońy bosanýǵa ulasqan — tekserý kezіnde áıeldіń tolǵaǵy bastalyp ketken.
Klınıka dárіgerlerі shuǵyl áreket etіp, akýsher-gınekologtar men anestezıologtar bosanýdy sol jerde qabyldaǵan. Nátıjesіnde dúnıege denі saý qyz bala kelgen.
Dárіgerlerdіń málіmetіnshe, ana men nárestenіń jaǵdaıy turaqty. Medıtsınalyq kómek der kezіnde kórsetіlgen.
Bul jaǵdaı áleýmettіk jelіlerde qyzý talqylanyp, kópshіlіk dárіgerlerdіń jedel áreketіne oń baǵa berіp jatyr.
Material avtory
