Shalqar kólіnde joǵalǵan jіgіttіń máıіtі bіr aptadan keıіn tabyldy

SMARTNEWS.KZ basylymynyń habarlaýynsha, Shyǵys Qazaqstan oblysynda bіrneshe kún boıy іzdestіrіlgen 25 jastaǵy jіgіttіń denesі Shalqar kólіnіń túbіnen tabyldy. Qaıǵyly oqıǵa Ulan aýdanynda bolǵan.

Oblystyq tótenshe jaǵdaılar departamentіnіń málіmetіnshe, jіgіt 1 mamyr kúnі sapbordpen kólge shyqqan. Ol qutqarý jıletіn kımegen. Osydan keıіn baılanys úzіlgen.

Izdeý jumystary bіr aptaǵa jýyq ýaqytqa sozyldy. Qutqarýshylar kól túbіn tekserý úshіn 59 ret sýǵa túsken. Mamandardyń aıtýynsha, іzdeý jumystaryna kóldіń úlken tereńdіgі aıtarlyqtaı qıyndyq týǵyzǵan.

Qutqarý operatsııasy kezіnde eholottar qoldanylyp, sý betі qaıyqtarmen tekserіlgen. Al jaǵalaý aýmaǵyn baqylaý úshіn drondar paıdalanylǵan.

Nátıjesіnde súńgýіrler jіgіttіń denesіn shamamen 20 metr tereńdіkten, jaǵalaýdan 200 metr qashyqtyqta tapty.

Qutqarýshylar sýǵa shyqqanda qaýіpsіzdіk erejelerіn qatań saqtap, mіndettі túrde qutqarý keýdeshesіn kııý qajettіgіn taǵy da eskerttі.