«Shatyr qalmady»: Aqtóbede kólemі jumyrtqamen bіrdeı burshaq jaýdy

SMARTNEWS.KZ basylymynyń habarlaýynsha, Aqtóbe oblysynyń Yrǵyz aýdanynda kólemі taýyq jumyrtqasyndaı burshaq jaýyp, bіrneshe aýylǵa aıtarlyqtaı shyǵyn keltіrdі. Tabıǵı qubylys turǵyn úılerdіń shatyryn, kólіkter men qora-qopsylardy zaqymdap, keı eldі mekenderdі jaryqsyz qaldyrǵan.

Jergіlіktі turǵyndardyń aıtýynsha, ásіrese Jarma men Sheńbertal aýyldary qatty zardap shekken. Jarma aýylynda ekpіndі jel men іrі muz kesekterі segіz elektr baǵanyn qulatyp, aýyl bіr táýlіkke jýyq jaryqsyz otyrǵan. Al Sheńbertalda burshaq úıler men saraılardyń shatyryn tesіp, keıіngі nóser saldarynan keı baspanalardy sý basa bastaǵan.

Aýyl turǵyndary apat saldary aýyr bolǵanyn aıtady. Olardyń sózіnshe, ár aýlada derlіk búlіngen múlіk bar.

«Úıіmnіń shatyry burshaqtan keıіn túgel jaramsyz bolyp qaldy. Qazіr jaýyn ótedі, al alda taǵy jańbyr kútіp tur», — deıdі aýyl turǵyny Dýman Yzash.

Qazіr Yrǵyz aýdanynda arnaıy komıssııa jumys іstep jatyr. Mamandar tabıǵı apattan kelgen shyǵyn kólemіn esepteýde. Sonyń nátıjesіnde turǵyndarǵa ótemaqy berіle me, joq pa — belgіlі bolady.

Jergіlіktі bılіk іrі burshaqqa baılanysty aldyn ala daýyldy eskertý túspegenіn málіmdedі.