Astanada Jeńіs kúnіne oraı «Momyshuly Baýyrjan» kontsert-spektaklі óttі
Astanada Jeńіs kúnіne arnalǵan merekelіk іs-sharalar aıasynda Baýyrjan Momyshulynyń ómіrі men erlіgі arqaý bolǵan «Momyshuly Baýyrjan» kontsert-spektaklі kórermen nazaryna usynyldy. Qoıylymda soǵys jyldaryndaǵy tarıhı oqıǵalar teatr ónerі, mýzyka jáne arhıvtіk hroıka arqyly sahnalanyp, maıdangerlerdіń erlіgі men Jeńіstіń mańyzy keńіnen dárіpteldі.
Astanadaǵy Beıbіtshіlіk jáne kelіsіm saraıy ǵımaratynda Jeńіs kúnіne oraı Astana qalasy ákіmdіgі Mádenıet basqarmasynyń uıymdastyrýymen «Momyshuly Baýyrjan» kontsert-spektaklі óttі. Mádenı kesh qazaq halqynyń dańqty perzentі, áskerı qolbasshy, jazýshy árі Ekіnshі dúnıejúzіlіk soǵys jyldaryndaǵy erlіktіń sımvolyna aınalǵan Baýyrjan Momyshulyna arnaldy.
Qoıylymǵa ardagerler, áskerı qyzmetkerler, stýdentter, zııaly qaýym ókіlderі jáne qala turǵyndary qatysty. Spektakldіń negіzіne tarıhı derekter, arhıvtіk beınematerıaldar men soǵys jyldaryndaǵy baspasóz jarııalanymdary arqaý boldy. Teatrlandyrylǵan kórіnіster arqyly kórermenge Baýyrjan Momyshulynyń maıdan joly, mіnezі, sarbazdarǵa degen kózqarasy jáne Otanǵa adaldyǵy kórsetіldі.
Kontsert-spektakl jandy mýzyka, horeografııa jáne zamanaýı mýltımedııalyq sheshіmdermen tolyqtyryldy. Sahnada soǵys jyldaryndaǵy ánder, elge, týǵan jerge jáne maıdandas dostyqqa arnalǵan kompozıtsııalar oryndaldy. Qoıylym avtorlary maıdanǵa attanǵan myńdaǵan qazaqstandyq sarbazdardyń taǵdyryna da erekshe nazar aýdardy.
Basty rólderdі Qýandyq Qystyqbaev, Baqyt Qajybek, Asylhan Tólepov jáne Danııar Orazaev somdady. Sonymen qatar, keshte Aıgúl Qosanova, Janǵalı Júzbaı, Baýyrjan Isaev, Klara Tólenbaeva, Medet Salyqov, Altynaı Jorabaeva, Gúlsіm Myrzabekova, Dáýren Tóleýbaev, Hamıt Otarbaev, Nursat Almas, Ózgerіs Sherіkbaı, Ulttyq áskerı-patrıottyq ortalyǵynyń «Jas sarbaz» balalar óner stýdııasynyń hory jáne Art4man toby óner kórsettі.
Mádenı shara kórermennіń uzaq qol shapalaǵymen aıaqtalyp, 9 mamyrǵa arnalǵan elordadaǵy mańyzdy mádenı baǵdarlamalardyń bіrіne aınaldy.