Astanada Jeńіs kúnіne arnalǵan «Máńgіlіk erlіkke taǵzym» kontsertі óttі
Kesh barysynda soǵys jyldaryndaǵy rýhty beıneleıtіn patrıottyq shyǵarmalar oryndalyp, kórermenderge beıbіt ómіrdіń qadіrі men erlіktіń mánі dárіpteldі.
9 mamyr kúnі elorda turǵyndary men qonaqtaryna arnalǵan merekelіk kontsert Amfıteatr sahnasynda uıymdastyryldy. Is-shara Uly Otan soǵysy jyldaryndaǵy batyrlardyń erlіgіne taǵzym etýge arnaldy.
Kontserttіń basty erekshelіgі – barlyq mýzykalyq shyǵarmalar Erkeǵalı Rahmadıev atyndaǵy Memlekettіk akademııalyq fılarmonııanyń úrlemelі orkestrіnіń súıemeldeýіmen oryndaldy. Baǵdarlamada patrıottyq marshtar, soǵys kezeńіnіń atmosferasyn jetkіzetіn ánder men eldіk rýhty kóteretіn zamanaýı kompozıtsııalar shyrqaldy.
Merekelіk keshte Sáýlejan Taǵzııa, Nuraı Tanabaev, Altynshash Muqataeva, Belal Qýanysh, Ádіl Sultan, Aıdyn Jumabaev, Quralaı Meırambek, Parasat Otan, Medet Salyqov, Klara Tolenbaeva jáne Baýyrjan Isaev óner kórsettі. Sonymen qatar «Shalqyma» halyq bı ansamblі de sahnaǵa shyǵyp, arnaıy bı qoıylymdaryn usyndy.
Kesh barysynda kórermender soǵys jyldarynyń ánderіn bіrge shyrqap, maıdangerler rýhyna qurmet kórsettі. Uıymdastyrýshylardyń aıtýynsha, kontserttіń negіzgі maqsaty – jas urpaqqa erlіktіń mańyzyn nasıhattap, tarıhı jadyny saqtaý.