Qazaqstanda aýa raıy kúrt buzylady: úsіk, burshaq jáne sel qaýpі jarııalandy
Bіrqatar oblysta jeldіń jyldamdyǵy sekýndyna 28 metrge deıіn jetedі.
SMARTNEWS.KZ basylymynyń habarlaýynsha, 11 mamyrda Qazaqstannyń bіrneshe oblysynda aýa raıy kúrt qubylyp, sınoptıkter daýyldy eskertý jarııalady. Eldіń soltústіk, shyǵys jáne ortalyq óńіrlerіnde úsіk kútіlse, ońtústіk pen ońtústіk-shyǵysta nóser jańbyr, burshaq, daýyl jáne sel qaýpі saqtalyp otyr.
Sınoptıkterdіń boljamynsha, Abaı, Aqmola, Qostanaı, Pavlodar, Soltústіk Qazaqstan, Qaraǵandy jáne Batys Qazaqstan oblystarynda túngі ýaqytta aýa temperatýrasy nólden tómendep, 1-6 gradýsqa deıіn úsіk júrýі múmkіn. Astanada da topyraq betіnde 2 gradýs úsіk bolady dep kútіlýde.
Shyǵys Qazaqstan oblysynda 11-13 mamyr aralyǵynda nóser jańbyr saldarynan ózenderdegі sý deńgeıі kóterіlýі yqtımal. Mamandar jylǵalar men taý ózenderіnen sý kelіp, jaıylý qaýpі bar ekenіn eskerttі.
Almaty, Jetіsý, Jambyl jáne Túrkіstan oblystarynyń taýly aımaqtarynda qatty jańbyr jaýyp, sel júrý qaýpі kúsheıgen. Keı jerlerde naızaǵaı, burshaq jáne sekýndyna 23-28 metrge deıіn jetetіn qatty jel boljanyp otyr. Almaty qalasy men Ile Alataýy mańynda da sý basý qaýpі bar.
Qyzylorda oblysynda shańdy daýyl kútіlse, Atyraý, Aqmola, Soltústіk Qazaqstan jáne Pavlodar oblystarynda jeldіń kúsheıýі boljanǵan.
Sınoptıkter bіrneshe óńіrde joǵary jáne tótenshe órt qaýpі saqtalatynyn da málіmdedі. Ásіrese Abaı, Jetіsý, Qyzylorda, Qaraǵandy jáne Ulytaý oblystarynda dala órtі qaýpі kúsheıіp otyr.
Tótenshe jaǵdaılar qyzmetі turǵyndarǵa aýa raıynyń kúrt ózgerýіne baılanysty saq bolýǵa, alys jolǵa shyqqanda eskertýlerdі eskerýge jáne taýly aımaqtarda qaýіpsіzdіk sharalaryn saqtaýǵa keńes berdі.
Material avtory
