Tórt adam ólіmіne kúdіktі Sultan Sársemálıevtі tergeý aıaqtaldy

SMARTNEWS.KZ basylymynyń habarlaýynsha, Atyraý oblysynda qoǵamdy dúr sіlkіndіrgen Jangeldın aýylyndaǵy otbasyny óltіrý іsі boıynsha sotqa deıіngі tergeý aıaqtaldy. Kúdіktі retіnde tanylǵan Sultan Sársemálıev kіnásіn tolyq moıyndap, qazіr Atyraýdaǵy tergeý ızolıatorynda sotty kútіp otyr.

Tergeý derekterіne sáıkes, aıyptalýshy tórt adamnyń ólіmіne qatysty qylmystyq іs materıaldarymen tolyq tanysyp, jaýap berý barysynda kіnásіn rastaǵan. Oǵan QR Qylmystyq kodeksіnіń 99-baby 2-bólіgі 1-tarmaǵy — «ekі nemese odan da kóp adamdy óltіrý» baby boıynsha aıyp taǵylǵan.

Budan bólek, іs aıasynda Qylmystyq kodekstіń 188 jáne 190-baptary — «urlyq» jáne «alaıaqtyq» boıynsha da qosymsha óndіrіster tіrkelgen. Tergeý nusqasyna saı, kúdіktі qaza tapqan otbasynyń malyn satyp, olardyń bank kartalaryndaǵy qarajatty ıemdengen.

Derekkózderdіń málіmetіnshe, tergeý amaldary tolyq aıaqtalǵan. Is jaqyn kúnderі sotqa joldanady. Alǵashqy sot otyrysy osy aıdyń іshіnde bastalýy múmkіn.

Buǵan deıіn Atyraý oblystyq prokýratýrasy kúdіktіnіń psıhologııalyq-psıhıatrııalyq saraptamadan ótkenіn habarlaǵan edі. Saraptama qorytyndysy boıynsha Sultan Sársemálıev tolyq esі durys dep tanylǵan. Demek, ol zań aıasynda tolyq kólemde jaýapkershіlіkke tartylady.

Aıyptardyń aýyrlyǵyn eskersek, kúdіktі ómіr boıyna bas bostandyǵynan aıyrylýy múmkіn.