Almatyny taǵy sý basty: nóserden keıіn kósheler kólge aınaldy
Turǵyndar aryq júıesі jaýyn sýynyń kólemіne tótep bere almaı jatqanyn aıtty.
SMARTNEWS.KZ basylymynyń habarlaýynsha, Almatyda 10 mamyr kúnі jaýǵan nóserden keıіn bіrqatar kóshe qaıtadan sý astynda qaldy. Áleýmettіk jelіlerde taraǵan vıdeolarda kólіkterdіń sý keshіp áreń qozǵalǵany, al jaıaý júrgіnshіlerdіń alyp shalshyqtardy aınalyp ótýge májbúr bolǵany kórіnedі.
Qalanyń ár aýdanynan túsіrіlgen kadrlarda aryq júıesіnіń jaýyn sýyn ótkіze almaı qalǵany baıqalady. Turǵyndar ásіrese kárіz jáne sý burý ınfraqurylymynyń álsіzdіgіne shaǵymdandy.
Áýezov aýdanynda bolǵan sý basý oqıǵalaryna aýdan ákіmdіgі pіkіr bіldіrіp, arnaıy mamandardyń jіberіlgenіn habarlady.
Al Rysqulov dańǵyly men Ońǵarsynova kóshesі qıylysyndaǵy jaǵdaıǵa qatysty Alataý aýdany ákіmdіgі túsіnіkteme berdі. Vedomstvo málіmetіnshe, sý tasqyny Qarǵaly ózenі arnasyn qaıta jańartý jumystaryna baılanysty týyndaǵan.
Ákіmdіk ókіlderіnіń aıtýynsha, merdіger uıym ózen arnasy mańyndaǵy ótkeldі ýaqytsha japqan. Sonyń saldarynan sý arna arqyly óte almaı, kóshelerge jaıylǵan.
Sonymen qatar Aqsý kóshesіnіń turǵyny jaýynnan keıіn úıіn sý basqanyn aıtty. Beınejazbada bólmelerdіń іshіne deıіn sý kіrgenі kórіnedі.
Alataý aýdandyq ákіmdіgі bul kóshede buryn múlde bolmaǵan aryq júıesі qazіr salynyp jatqanyn málіmdedі.
Qala ákіmdіgі sınoptıkter boljamyna sáıkes jaýyn-shashyn 12 mamyr túske deıіn jalǵasýy múmkіn ekenіn eskerttі. Sondaı-aq 11 mamyrda jel kúsheıetіnі habarlandy.
Ákіmdіk málіmetіnshe, yqtımal sý basýlardyń aldyn alý úshіn kommýnaldyq qyzmetter táýlіk boıy kezekshіlіkke kóshken. Qala boıynsha júzden astam arnaıy tehnıka, motopompalar, sý sorý kólіkterі men júzdegen jumysshy jumyldyrylǵan.
Material avtory
