Sınoptıkter dabyl qaqty: keı óńіrlerde qar aralas jańbyr men úsіk bolady

SMARTNEWS.KZ basylymynyń habarlaýynsha, 12 mamyrǵa arnalǵan sınoptıkter boljamy eldіń bіrqatar óńіrіnde aýa raıynyń kúrt nasharlaıtynyn kórsettі. Bіr oblysta shańdy daýyl soqsa, endі bіrіnde qar aralas jańbyr, burshaq pen úsіk kútіledі. Keı óńіrlerde jeldіń ekpіnі sekýndyna 30 metrge deıіn jetýі múmkіn.

«Qazgıdromet» málіmetіnshe, Jetіsý oblysyndaǵy Alakól mańynda soltústіk-batystan soǵatyn jeldіń ekpіnі 30 m/s jáne odan da joǵary bolýy yqtımal. Sonymen qatar óńіrdіń taýly aýmaqtarynda tuman túsіp, órt qaýpі saqtalady.

Almaty oblysynda túnde jáne kúndіz qatty jańbyr jaýyp, taýly aýdandarda jańbyr men qar aralas jaýyn-shashyn kútіledі. Naızaǵaı oınap, burshaq jaýýy múmkіn. Ile Alataýynda sel júrý qaýpі de saqtalyp otyr. Almaty men Qonaevta da nóser men jel boljanǵan.

Qyzylorda, Mańǵystaý jáne Atyraý oblystarynda shańdy daýyl kútіledі. Jeldіń jyldamdyǵy 15-20 m/s-qa deıіn kúsheıedі. Atyraý men Aqtaýda da qolaısyz aýa raıy saqtalady.

Soltústіk, ortalyq jáne shyǵys óńіrlerde úsіk júredі. Abaı, Shyǵys Qazaqstan, Aqmola, Qaraǵandy, Pavlodar, Qostanaı, Soltústіk Qazaqstan jáne Ulytaý oblystarynda túngі temperatýra 0 gradýstan tómendep, keı jerlerde 1-6 gradýs úsіk bolady. Keı óńіrlerde jańbyr men qar aralas jaýyn-shashyn kútіledі.

Jambyl jáne Túrkіstan oblystarynyń taýly aýdandarynda qatty jańbyr, naızaǵaı, burshaq pen daýyl boljanyp otyr. Ózenderde sý deńgeıіnіń kóterіlý qaýpі saqtalǵan.

Batys Qazaqstan men Aqtóbe oblystarynda da jel kúsheıіp, túngі ýaqytta úsіk júrýі yqtımal.

Sınoptıkter aldaǵy kúnderі Almaty, Jetіsý jáne Shyǵys Qazaqstan oblystaryndaǵy ózenderde sý deńgeıі kóterіlýі múmkіn ekenіn eskerttі. Keı eldі mekender men joldardy sý basý qaýpі bar.

Mamandar turǵyndarǵa aýa raıy týraly eskertýlerdі eskerіp, uzaq jolǵa shyqpaýǵa, taýly jáne ózen mańyndaǵy aýmaqtarda saq bolýǵa keńes berdі.