Astanada er adam beıtanys qyzdyń omyraýynan ustap alǵan

SMARTNEWS.KZ basylymynyń habarlaýynsha, Astanadaǵy «Eýrazııa» saýda ortalyǵynyń mańynda boıjetkenge qatysty jaǵymsyz oqıǵa boldy. Qyzdyń sózіnshe, kúndіz jaıaý júrgіnshіler jolaǵymen ótіp bara jatqan sátte ekі er adam qarsy júrgen. Sol kezde olardyń bіrі kenetten qyzdyń keýdesіnen ustap, toqtamastan ary qaraı ketіp qalǵan.

Jábіrlenýshі oqıǵanyń aıaq astynan bolǵanyn aıtyp, bіrden áreket etýge úlgermegenіn jetkіzdі. Onyń ústіne sol sátte baǵdarsham aýysyp, álgі adamdar kózden tasa bolǵan. Keıіn qyz bul jaǵdaıdan qatty kúızelіske túskenіn jáne kóshede ózіn qaýіpsіz sezіnbeı qalǵanyn jazdy.

Boıjetken bіraz ýaqyttan soń kúdіktі dep sanaǵan adamdy baıqap qalyp, ony vıdeoǵa túsіrіp alǵan. Keıіn jazbany áleýmettіk jelіge jarııalap, bolǵan jaıtqa qoǵam nazaryn aýdarǵan.

Sondaı-aq ol polıtsııaǵa aryz jazý-jazbaý máselesіnde kúmán bolǵanyn jasyrmady. Alaıda ózіnіń syrt kelbetі mektep oqýshysyna uqsaıtynyn aıtyp, mundaı áreket kámeletke tolmaǵan qyzdarǵa da jasalýy múmkіn dep alańdaıtynyn jetkіzdі.

Astana qalalyq polıtsııa departamentі kúdіktіnіń jeke basy jedel anyqtalǵanyn habarlady.

Vedomstvo málіmetіnshe, er adam qoǵamdyq tártіptі buzǵany, ıaǵnı usaq buzaqylyq jasaǵany úshіn ákіmshіlіk jaýapkershіlіkke tartylyp, ýaqytsha ustaý kamerasyna qamalǵan. Jınalǵan materıaldar sotqa joldanǵan.