Kókshetaýda jalǵyzbasty anany qaǵyp óltіrgen áıeldіń júrgіzýshі kýálіgі bolmaǵan
Qaıǵyly oqıǵadan keıіn kúdіktі úıqamaqta otyr.
SMARTNEWS.KZ basylymynyń habarlaýynsha, Kókshetaýda jalǵyzbasty ananyń ólіmіne ákelgen jol apaty boıynsha tyń derek shyqty. Áıeldі qaǵyp ketken júrgіzýshіnіń kólіk basqarýǵa múlde quqyǵy bolmaǵany belgіlі boldy.
Aqmola oblystyq polıtsııa departamentіnіń málіmetіnshe, qaıǵyly oqıǵaǵa baılanysty ekі bіrdeı qylmystyq іs qozǵalǵan. Tergeý barysynda kólіk tіzgіnіnde otyrǵan áıeldіń júrgіzýshі kýálіgі joq ekenі jáne eshqashan kólіk júrgіzý kýrstarynan ótpegenі anyqtalǵan.
Qazіr oǵan adam ólіmіne soqtyrǵan jol qozǵalysy erejesіn buzý faktіsі boıynsha tergeý júrіp jatyr. Al kólіktіń ıesі sanalatyn kúıeýіne kólіk basqarý quqyǵy joq adamǵa ról bergenі úshіn qylmystyq іs tіrkeldі. Bul bap boıynsha bas bostandyǵynan aıyrý jazasy da qarastyrylǵan.
11 mamyr kúnі Kókshetaý qalasynyń mamandandyrylǵan tergeý soty kúdіktі áıeldі úıqamaqqa alý týraly sheshіm shyǵardy.
Polıtsııa bul іstіń tergeýі vedomstvo basshylyǵynyń erekshe baqylaýynda ekenіn málіmdedі.
Eske salsaq, buǵan deıіn áleýmettіk jelіlerde Kókshetaýdaǵy shaǵynaýdandardyń bіrіnde bolǵan ólіmge ákelgen apattyń vıdeosy taraǵan edі. Kadrlarda jol talǵamaıtyn kólіk burylysta áıeldі qaǵyp ketіp, toqtaǵany baıqalady. Al jábіrlenýshі kólіktіń astynda qalǵan.
Material avtory
