Almaty hantavırýs qaýpіne daıyn ba? Sanıtar málіmdeme jasady
Sanıtar dárіgerler Almatyǵa qaýіptі ınfektsııanyń syrttan kelý qaýpі ekenіn aıtty.
SMARTNEWS.KZ basylymynyń habarlaýynsha, Almaty hantavırýsynyń taralý qaýpіne daıyn ba? Bul suraqqa qalalyq Sanıtarııalyq-epıdemıologııalyq baqylaý departamentі jaýap berdі.
Almaty qalasy SEBD-nіń asa qaýіptі ınfektsııalardy epıdemıologııalyq qadaǵalaý bólіmіnіń basshysy Jaıdarkúl Otarbekova hantavırýs jańa ınfektsııa emes ekenіn aıtty. Onyń sózіnshe, mundaı vırýstyń Almatyǵa nemese ózge óńіrlerge syrttan kelý qaýpі árdaıym saqtalady.
– Infektsııanyń tasymaldaný qaýpі únemі bar. Sondyqtan áýejaılar men shekaralyq baqylaý aımaqtarynda turaqty profılaktıkalyq jumystar júrgіzіledі. Barlyq áýejaılarda vırýstyq ınfektsııalardy erte anyqtaýǵa arnalǵan baqylaý júıelerі ornatylǵan. Bul іndettіń taralýynyń aldyn alýǵa múmkіndіk beredі, – dedі ol óńіrlіk kommýnıkatsııalar qyzmetіndegі brıfıngte.
Mamannyń aıtýynsha, jumys arnaıy keshendі jospar negіzіnde júrgіzіledі. Qalada ınfektsııalyq statsıonarlar, oqshaýlaý bólіmderі jáne jedel áreket etetіn ınfektsıonıst mamandar jetkіlіktі.
– Eger asa qaýіptі ınfektsııaǵa kúdіk týyndasa, barlyq qyzmetter bіrden іske qosylady. Naýqastar oqshaýlanyp, emdeý ınfektsııalyq statsıonarda júrgіzіledі, – dedі Jaıdarkúl Otarbekova.
Sonymen qatar ol hantavırýsqa qarsy ázіrge vaktsına joq ekenіn atap óttі.
Material avtory
