18 mamyr kúnі Atyraýda Sultan Sársemálıevtіń soty bastalady
Bіr úıdіń tórt adamyn óltіrgen kúıeý balanyń soty ashyq túrde ótpek.
SMARTNEWS.KZ basylymynyń habarlaýynsha, Atyraý oblysy boıynsha qylmystyq іster jónіndegі mamandandyrylǵan aýdanaralyq sotqa Jangeldın aýylynda jasalǵan rezonansty kіsі óltіrý іsі tústі.
Istі sýdıa Zarema Hamıdýllına qaraıdy. Óńіrde ol uzaq jyldar boıy eń kúrdelі árі qoǵamdy dúr sіlkіndіrgen qylmystyq іsterdі qaraýmen tanylǵan.
Alǵashqy sot otyrysy 18 mamyrǵa saǵat 11:00-ge belgіlendі. Protsess ashyq rejımde ótedі.
Istіń basty fıgýranty — Sultan Sársemálıev. Ol qazіr Atyraýdaǵy tergeý ızolıatorynda qamaýda otyr, sot protsesіnіń bastalýyn kútýde.
Eske salaıyq kúdіktі tórt adamnyń — enesі, qaıyn atasy, jubaıynyń aǵasy men ápkesіnіń ólіmіne qatysty kіnásіn moıyndaǵan.
Tergeý nusqasyna sáıkes, qaza tapqandardyń úlkenderі úı aýlasyndaǵy qoradan topyraq astynan tabylǵan. Al ekі jas týysyn ol buryn turǵan eldі mekendegі ýaqytsha baspana mańyna jasyryn jerlegen degen boljam bar.
Qaıǵyly oqıǵa qoǵamda úlken rezonans týdyryp, óńіr turǵyndarynyń nazarynda qalyp otyr.
Material avtory
