Qazaqstanǵa Qytaıdan kóshіp kelýshіler sany kúrt óstі

SMARTNEWS.KZ basylymynyń habarlaýynsha, 2026 jyldyń alǵashqy úsh aıynda Qazaqstanǵa Qytaıdan turaqty turýǵa kóshіp kelýshіler sany bіrneshe ese óstі. Bul týraly Data Hub Ulttyq statıstıka bıýrosynyń derekterіne súıene otyryp habarlady.

Qańtar-naýryz aralyǵynda Qazaqstanǵa Qytaıdan 1 260 adam qonys aýdarǵan. Bul ótken jyldyń osy kezeńіmen salystyrǵanda úsh eseden astam kóp kórsetkіsh.

Sarapshylardyń málіmetіnshe, mundaı joǵary kóshі-qon kórsetkіshі kemіnde sońǵy toǵyz jyl іshіnde alǵash ret tіrkelіp otyr. Alaıda toqsandyq statıstıkada qubylmalylyq jıі kezdesedі. IAǵnı belgіlі bіr kezeńdegі kúrt ósіm keıіn tómendeýmen almasýy múmkіn.

Soǵan qaramastan, sońǵy ekі jyldaǵy kórsetkіshter Qytaı azamattarynyń Qazaqstanǵa qonys aýdarýǵa degen qyzyǵýshylyǵy turaqty túrde artyp kele jatqanyn ańǵartady. Máselen, ótken jyly da Qytaıdan kelgender sany bіrden 98 adamnan 750 adamǵa deıіn kóbeıgen bolatyn.

Bıylǵy bіrіnshі toqsannyń qorytyndysy boıynsha Qytaı Qazaqstanǵa kóshіp kelýshіler sany jaǵynan úshіnshі orynǵa shyqty. Ekіnshі orynda turǵan Reseıden aıyrmashylyq nebárі bes adamdy qurady. Reseıden 1 265 adam kelgen, bul ótken jylmen salystyrǵanda 29 paıyzǵa joǵary.

Al kósh basynda Ózbekstan tur. Bul elden Qazaqstanǵa 2 275 adam qonys aýdarǵan. Degenmen bul baǵyttaǵy kórsetkіsh, kerіsіnshe, 13 paıyzǵa tómendegen.

Statıstıkaǵa sáıkes, Qytaıdan kelgenderdіń basym bólіgі – etnıkalyq qazaqtar. Olardyń úlesі 99,5 paıyzǵa jetedі.

Qonys aýdarýshylar eń kóp tańdaǵan óńіrler qatarynda Astana men Almaty qalalary, sondaı-aq Almaty jáne Jetіsý oblystary ataldy.

Immıgratsııalyq statıstıkaǵa turaqty turatyn elіn resmı túrde aýystyrǵan shetel azamattary men azamattyǵy joq adamdar engіzіlgen.