Atyraýdaǵy rezonansty іs: Aqbaıan Muqaǵalıeva kіsі óltіrýge qatysy joq dep tanyldy
Aqbaıan óz otbasynyń ólіmіne kіnálі emes dep tanylyp, kúdіktіler qatarynan shyǵaryldy.
SMARTNEWS.KZ basylymynyń habarlaýynsha, Atyraý oblysynyń Jańgeldın aýylynda bіr otbasynyń qyrylýyna qatysty rezonansty іs boıynsha jańa málіmetter belgіlі boldy. Quqyq qorǵaý organdary Aqbaıan Muqaǵalıevanyń týystarynyń ólіmіne qatysy joq ekenіn resmı túrde málіmdedі.
Aqbaıan Muqaǵalıeva – basty kúdіktі Sultan Sársemálıevtіń jubaıy, sondaı-aq qaza tapqan adamdardyń qyzy árі qaryndasy.
Oblys prokýrorynyń kómekshіsі Jandar Bolatbektіń aıtýynsha, áıeldіń áreketterіnen adam óltіrýge qatysty quqyqbuzýshylyq belgіlerі anyqtalmaǵan.
Osyǵan baılanysty oǵan qatysty kіsі óltіrý baby boıynsha qylmystyq qýdalaý toqtatylǵan. Alaıda quqyq qorǵaý organdary «qylmys týraly habarlamaý» faktіsі boıynsha bólek іs tіrkegen.
Qazіrgі ýaqytta Aqbaıan Muqaǵalıeva kúdіktі retіnde tanylmaǵan jáne oǵan eshqandaı bultartpaý sharasy qoldanylmaǵan.
Is aıasynda Almaty qalasynda onyń psıhıkalyq jaǵdaıyna saraptama júrgіzіlgen. Mamandardyń qorytyndysy daıyn bolǵanymen, ázіrge prokýratýraǵa túspegen. Qujat zerttelgennen keıіn áıeldіń áreketіne túpkіlіktі quqyqtyq baǵa berіledі.
Qazіr ol Atyraýdaǵy oblystyq psıhıatrııalyq ortalyqta jatyr.
Al tórt adamnyń ólіmіne aıyptalyp otyrǵan Sultan Sársemálıevke qatysty sot protsesі 18 mamyr kúnі saǵat 11:00-de bastalady. Is ashyq formatta qaralmaq.
Oǵan Qylmystyq kodekstіń «ekі jáne odan da kóp adamdy óltіrý» baby, bank kartalaryn urlaý jáne maldy zańsyz satý boıynsha aıyp taǵylǵan.
Eske salsaq, Jańgeldın aýylyndaǵy otbasy 2025 jyldyń sońynda іz-túzsіz joǵalyp ketken edі. Keıіn bul іs qoǵamda úlken rezonans týǵyzyp, basty kúdіktі retіnde Sultan Sársemálıev ustalǵan bolatyn.
Material avtory
