Mańǵystaýda sarbaz qazasynan keıіn áskerı bólіm komandırі sotqa tartylmaq
Qaıǵyly oqıǵadan keıіn bіrneshe áskerı basshy qyzmetіnen bosatylyp, ondaǵan adam tártіptіk jaýapkershіlіkke tartylǵan.
SMARTNEWS.KZ basylymynyń habarlaýynsha, Mańǵystaý oblysynda merzіmdі áskerı qyzmet sarbazynyń qazasyna baılanysty áskerı bólіm komandırіne qatysty qylmystyq іs sotqa joldandy. Bul týraly Bas áskerı prokýratýra málіmdedі.
Vedomstvonyń habarlaýynsha, Aqtaý garnızonyndaǵy áskerı bólіmderdіń bіrіnіń komandırі qyzmettіk mіndetіne salǵyrt qarady degen kúdіkke іlіngen. Tergeý nusqasy boıynsha, dál osy nemquraıdylyq 17 aqpanda bolǵan qaıǵyly oqıǵaǵa sebep bolǵan.
Prokýratýra málіmetіne sáıkes, bólіm komandırі jeke quramdy baqylaý men qarýmen jumys іsteý tártіbіn qamtamasyz etýge qatysty jarǵylyq talaptar men vedomstvolyq buıryqtardy tolyq oryndamaǵan. Sonyń saldarynan sarbaz Jaıǵalıev R. atys kezіnde ólіmge ákelgen jaraqat alǵan.
Is boıynsha áskerı prokýrorlardyń baqylaýymen jedel-tergeý toby jumys júrgіzіp, qajettі dálelder men saraptamalar qysqa merzіmde jınaqtalǵan.
Tergeý aıaqtalǵan soń qylmystyq іs mánі boıynsha qaraý úshіn sotqa jіberіldі.
Sonymen qatar oqıǵadan keıіn barlaý-shabýyldaý batalonynyń komandırі, onyń orynbasary jáne rota komandırі qyzmetterіnen bosatylǵan. Budan bólek, 10 laýazymdy tulǵa tártіptіk jaýapkershіlіkke tartyldy.
Eske salaıyq, 17 aqpanda «Beıneý» polıgonynda josparly dalalyq atys jattyǵýlary kezіnde Qurlyq áskerlerіnіń «Batys» óńіrlіk qolbasshylyǵyna qarasty merzіmdі qyzmet sarbazy qarýmen jumys barysynda oq jaraqatyn alyp, oqıǵa ornynda kóz jumǵan edі. Atalǵan іstі Bas prokýratýra erekshe baqylaýǵa alǵan bolatyn.
Material avtory
