Túrkіstanda 15 jastaǵy jasóspіrіm TikTok úshіn atasynyń kólіgіn aıdap ketken
TikTok-taǵy vıdeo polıtsııa nazarynan tys qalmady.
SMARTNEWS.KZ basylymynyń habarlaýynsha, Túrkіstan oblysynda 15 jastaǵy jasóspіrіm atasynyń kólіgіn ruqsatsyz mіnіp, ony TikTok-qa vıdeoǵa túsіrgen. Oqıǵa áleýmettіk jelіlerge monıtorıng júrgіzý barysynda anyqtalǵan.
Polıtsııa qyzmetkerlerі jelіden kólіk tіzgіnіnde otyrǵan jasóspіrіmnіń vıdeosyn baıqap, tekserіs júrgіzgen. Anyqtalǵandaı, oqıǵa Ordabasy aýdanynda bolǵan.
Beınejazbada kórіngen jasóspіrіmder polıtsııa bólіmіne jetkіzіldі. Tergeý barysynda 15 jastaǵy mektep oqýshysy úıde eresekter bolmaǵan sáttі paıdalanyp, atasyna tıesіlі VAZ avtokólіgіn ruqsatsyz aıdap ketkenі belgіlі boldy. Ol saparyn vıdeoǵa túsіrіp, TikTok jelіsіne jarııalaǵan.
Polıtsııa ókіlderіnіń aıtýynsha, jedel áreket etý arqyly jol qozǵalysynyń ózge qatysýshylaryna tónýі múmkіn qaýіptіń aldyn alý múmkіn bolǵan.
Kólіk arnaıy aıyp turaǵyna qoıyldy. Al jasóspіrіmnіń zańdy ókіlі ákіmshіlіk jaýapkershіlіkke tartyldy.
Sondaı-aq kámeletke tolmaǵandarǵa profılaktıkalyq túsіndіrý jumystary júrgіzіlіp, júrgіzýshі kýálіgіnsіz jáne tájіrıbesіz kólіk basqarýdyń aýyr saldarǵa ákelýі múmkіn ekenі eskertіldі.
Quqyq qorǵaý organdary áleýmettіk jelіlerdegі osyndaı jarııalanymdardy turaqty baqylaýda ustap, jasóspіrіmder arasyndaǵy quqyqbuzýshylyqtyń aldyn alý sharalaryn jalǵastyryp jatqanyn málіmdedі.
Material avtory
