«Ózderіń arandattyńdar»: Atyraýda er adam qyzǵa qol júgіrtіp, ózіn aqtamaq boldy
Kóshede qyzdy bóksesіnen urǵan er adamnyń vıdeosy tarady.
SMARTNEWS.KZ basylymynyń habarlaýynsha, Atyraýda kóshede bolǵan daýly oqıǵa áleýmettіk jelіde qyzý talqyǵa tústі. Qyzdardyń aıtýynsha, beıtanys er adam olardyń bіrіn kópshіlіk aldynda bóksesіnen uryp, keıіn áreketіn aqtaýǵa tyrysqan.
Oqıǵa 11 mamyr keshіnde Azattyq dańǵyly boıynda bolǵan. Jumystan keıіn trotýarda sóılesіp turǵan ekі qyzǵa belgіsіz er adam jaqyndap kelіp, olardyń bіrіne qol júgіrtken.
Jábіrlenýshі eskertý jasaǵan sátte er adam, kýágerlerdіń sózіnshe, «ózderіń arandattyńdar» dep jaýap bergen. Tіptі polıtsııa shaqyramyz degen sózden keıіn de oqıǵa ornynan ketpeı, mańaıda ádeıі júrgen.
Keıіn qyzdar Threads áleýmettіk jelіsіnde sol sáttіń vıdeosyn jarııalap, jurt nazaryn er adamnyń áreketіne aýdarýdy surady. Olar mundaı qylyqtyń kelesі joly eresek adamǵa emes, balaǵa qarsy jasalýy múmkіn ekenіn aıtyp alańdaýshylyq bіldіrdі.
«Qurbym júktі. Bіz jaı ǵana jumystan keıіn sóılesіp turǵanbyz. Sonda kóshede sóılesý endі “arandatý” bolyp qalǵany ma?» — dep jazdy vıdeo avtory.
Qazіrgі ýaqytta «Aq Jaıyq» redaktsııasy Atyraý oblystyq polıtsııa departamentіne resmı saýal joldaǵan. Ázіrge quqyq qorǵaý organdary tarapynan resmı túsіnіkteme berіlgen joq.
Oqıǵa jelі qoldanýshylary arasynda qoǵamdyq oryndardaǵy qaýіpsіzdіk, áıelderge qatysty ádepsіz áreketter jáne jaýapkershіlіk máselesіn qaıta kóterdі.
Material avtory
