Kókshetaýdaǵy jalǵyzbasty ananyń ólіmіne qatysty tergeý qashan aıaqtalatyny belgіlі boldy
Marqumdy júrgіzýshі kýálіgі joq áıeldіń qaǵyp óltіrgenі belgіlі bolǵan edі.
SMARTNEWS.KZ basylymynyń habarlaýynsha, IIM Kókshetaýda adam ólіmіne ákelgen jol apatyna qatysty tergeýdіń qashan aıaqtalýy múmkіn ekenіn málіmdedі.
QR Ishkі іster mınıstrіnіń orynbasary Sanjar Ádіlovtyń aıtýynsha, atalǵan faktі boıynsha ekі bіrdeı qylmystyq іs qozǵalǵan. Bіrіnshіsі — kólіk tіzgіnіnde bolǵan júrgіzýshіge qatysty. Oǵan QR Qylmystyq kodeksіnіń 345-baby boıynsha іs tіrkelgen. Qazіr sot sheshіmіmen kúdіktі úıqamaqqa alynǵan.
Mınıstr orynbasarynyń sózіnshe, budan bólek kólіktі júrgіzýshі kýálіgі joq adamǵa basqarýǵa bergen azamatqa qatysty da jeke іs qozǵaldy. Bul epızod QR Qylmystyq kodeksіnіń 349-baby boıynsha tergelіp jatyr.
«Avtotehnıkalyq saraptama qorytyndysyn alǵannan keıіn, shamamen bіr aı іshіnde tergeýdі aıaqtaýdy josparlap otyrmyz», — dedі Sanjar Ádіlov Májіlіs kýlýarynda jýrnalıster suraǵyna jaýap bere otyryp.
Onyń aıtýynsha, 349-bap boıynsha kіnálі dep tanylǵan adamǵa bes jylǵa deıіn bas bostandyǵynan aıyrý jazasy qarastyrylǵan.
Eske salsaq, jýyrda Kókshetaýdaǵy Saryarqa shaǵynaýdanyndaǵy aýlalardyń bіrіnde qaıǵyly jol-kólіk oqıǵasy bolǵan edі. Aldyn ala málіmet boıynsha, er adam óz kólіgіn júrgіzýshі kýálіgі joq jubaıyna bergen. Sonyń saldarynan áıel adam jaıaý júrgіnshіnі qaǵyp ketіp, zardap shekken azamat oqıǵa ornynda kóz jumǵan.
Material avtory
