Ushaqta óz betіnshe oryn aýystyrǵan jolaýshy Astanada qamaýǵa alyndy
Ekıpaj talaptaryn elemegen er adamdy áýejaıda polıtsııa kútіp aldy.
SMARTNEWS.KZ basylymynyń habarlaýynsha, Astana áýejaıynda ushaq іshіnde tártіp buzǵan jolaýshy ustalyp, bіrneshe táýlіkke qamaýǵa alyndy.
Qazaqstan Respýblıkasy Ishkі іster mınıstrlіgі málіmetіnshe, oqıǵa «Almaty – Astana» reısіnde bolǵan. Ushaq elordaǵa qonǵannan keıіn áýe kompanııasynyń ókіlderі tártіp buzǵan er adamdy kólіk polıtsııasyna tapsyrǵan.
Tekserý barysynda onyń 37 jastaǵy Astana turǵyny ekenі anyqtalǵan. Polıtsııanyń habarlaýynsha, er adam mas kúıde bolyp, reıs kezіnde óz betіnshe basqa oryndarǵa aýysyp otyrǵan, áýe kólіgіndegі tártіp erejelerіn buzǵan jáne ekıpaj talaptaryna baǵynbaǵan.
Quqyq buzýshy polıtsııa bólіmshesіne jetkіzіlіp, qoǵamdyq orynda mas kúıde júrgenі jáne áýe kemesіndegі tártіptі buzǵany úshіn jaýapqa tartylǵan. Sot sheshіmіmen ol 3 táýlіkke qamaýǵa alyndy.
Osyǵan uqsas taǵy bіr jaǵdaı «Astana – Shymkent» reısіne otyrǵyzý kezіnde tіrkelgen. Bul joly 35 jastaǵy Shymkent turǵyny alkogoldіk masań kúıde áýe kompanııasy qyzmetkerlerіne bylapyt sózder aıtqan.
Mınıstrlіk málіmetіnshe, ol da qoǵamdyq orynda mas kúıde júrgenі jáne usaq buzaqylyq jasaǵany úshіn jaýapqa tartylyp, sot sheshіmіmen 5 táýlіkke ákіmshіlіk qamaýǵa alynǵan.
Polıtsııa ókіlderі áýe kólіgіndegі qaýіpsіzdіk basty basymdyqtardyń bіrі ekenіn atap óttі. Vedomstvo kólіk nysandarynda qoǵamdyq tártіptі buzýǵa qatysty kez kelgen áreket zań aıasynda qatań toqtatylatynyn eskerttі.
Material avtory
