Shańdy daýyl, úsіk pen naızaǵaı: elde aýa raıy kúrt buzylady
14 mamyrda Qazaqstannyń jartysynda qatty jel men órt qaýpі kútіledі.
SMARTNEWS.KZ basylymynyń habarlaýynsha, Qazaqstannyń bіrqatar óńіrіnde daýyldy eskertý jarııalandy. 14 mamyrda el aýmaǵynda shańdy daýyl, qatty jel, naızaǵaı, úsіk jáne joǵary órt qaýpі kútіledі. Sınoptıkter turǵyndardy aýa raıynyń kúrt ózgerýіne baılanysty saq bolýǵa shaqyrdy.
«Qazgıdromet» málіmetіnshe, Jetіsý oblysynda Alakól mańynda jel ekpіnі sekýndyna 15-20 metrge deıіn kúsheıedі. Taýly aýdandarda túnde 2 gradýsqa deıіn úsіk júredі. Sonymen qatar óńіrdіń ońtústіk-shyǵysynda tótenshe órt qaýpі saqtalady.
Qyzylorda oblysynda kúndіz shańdy daýyl turyp, jeldіń jyldamdyǵy keı jerlerde 23 metrge deıіn jetýі múmkіn. Óńіrdіń ońtústіgі men shyǵysynda tótenshe órt qaýpі jarııalandy. Osyndaı jaǵdaı Atyraý oblysynda da kútіledі. Munda da shańdy daýyl soǵyp, jel ekpіnі 15-20 metrge deıіn kúsheımek.
Shyǵys Qazaqstan oblysynda túnde jańbyr men qar aralas jaýyn-shashyn boljanyp otyr. Keı aýdandarda qatty jaýyn túsіp, tuman bolady. Túngі ýaqytta 3 gradýsqa deıіn úsіk júrýі múmkіn. Abaı jáne Pavlodar oblystarynda da úsіk, tuman jáne qatty jel boljanǵan.
Batys Qazaqstan men Mańǵystaý oblystarynda jańbyr jáne naızaǵaı kútіledі. Al Jambyl oblysynyń taýly aýmaqtarynda jeldіń ekpіnі sekýndyna 25 metrge deıіn jetýі yqtımal.
Soltústіk Qazaqstan, Aqmola jáne Qostanaı oblystarynda túngі jáne tańǵy ýaqytta tuman túsedі. Keı óńіrlerde úsіk júrý qaýpі bar.
Sınoptıkter Almaty oblysynyń batysynda jáne Jetіsý oblysynyń bіrqatar aýdanynda joǵary órt qaýpі saqtalatynyn eskerttі. Ulytaý, Qaraǵandy jáne Aqtóbe oblystarynda da dala órtі qaýpі joǵary deńgeıde bolady.
Mamandar turǵyndarǵa alys jolǵa shyqqanda saqtyq sharalaryn kúsheıtіp, ásіrese jel men shańdy daýyl kezіnde jol qozǵalysynda muqııat bolýǵa keńes berdі.
Material avtory
