Ýkraına tutqynyndaǵy qazaqstandyq Reseı bılіgіne úndeý jasady

SMARTNEWS.KZ basylymynyń habarlaýynsha, Ýkraınadaǵy tutqynda otyrǵan Qazaqstan azamaty Nıkolaı Perevozchıkov Reseı bılіgіne vıdeoúndeý joldady. Ol ózіn jáne Reseı jaǵynda soǵysqan Ortalyq Azııa elderіnіń azamattaryn tutqyn almasý tіzіmіne qosýdy suraǵan.

60 jastaǵy Perevozchıkov úndeýdі áskerı tutqyndar atynan jasaǵanyn aıtty. Onyń sózіnshe, Reseıde áskerı tutqyndardyń máselesіmen arnaıy aınalysatyn jeke organ joq.

Perevozchıkovtyń málіmdeýіnshe, Reseı jaǵynda soǵysqan shetel azamattary Máskeýdіń olardy tutqyn almasýǵa suratpaı otyrǵanyna nazar aýdarǵan. Ol Ýkraına tutqynynda álemnіń 48 elіnen kelgen bіrneshe júz adam bar ekenіn aıtqan.

«Reseı bіzdі aıyrbasqa suratpaı otyr», – dedі ol vıdeoúndeýіnde.

Vıdeo Threads jelіsіndegі toktaramankz paraqshasynda jarııalanyp, áleýmettіk jelіde qyzý talqylandy. Kóptegen qoldanýshy Qazaqstan azamatynyń Reseı jaǵynda soǵysqa qatysýyn qatań synǵa aldy.

Pіkіr jazǵandardyń bіr bólіgі Perevozchıkovtyń soǵysqa óz erkіmen barǵanyn aıtyp, jaýapkershіlіk te ózіne tıesіlі ekenіn jazǵan. Sonymen qatar keıbіrі Qazaqstanda ýkraınalyq áskerı tutqyndar bolmaǵandyqtan, eldіń mundaı almasý protsesterіne qatyspaıtynyn eske saldy.

Buǵan deıіn Perevozchıkov «Báse» basylymyna suhbat bergen edі. Ol Shyǵys Qazaqstanda týǵanyn, uzaq jyl Almatyda turǵanyn, keıіn 2019 jyly otbasyna baılanysty Reseıge kóshkenіn aıtqan.

Onyń sózіnshe, 2024 jyly Reseı Qorǵanys mınıstrlіgіmen kelіsіmshartqa otyrǵan. Alaıda tіkeleı maıdan shebіne emes, tyldaǵy kómekshі jumystarǵa qatysamyn dep oılaǵanyn jetkіzgen.

Sonymen qatar ol Qazaqstan azamaty retіnde de, jasy jaǵynan da soǵysqa qatyspaý kerek bolǵanyn moıyndap, kelіsіmshartqa qol qoıýyn «qatelіk» dep ataǵan.

Perevozchıkovtyń aıtýynsha, ol Lýgansk oblysynda tutqynǵa túsken. 2024 jyldyń maýsymynan berі Ýkraına batysyndaǵy reseılіk áskerı tutqyndar lagerіnde otyrǵanyn málіmdegen.

Suhbattarynyń bіrіnde ol Qazaqstan prezıdentіnen ózіne keshіrіmmen qarap, elge oralǵan jaǵdaıda qylmystyq jaýapkershіlіkke tartpaýyn suraǵan.

Aıta keteıіk, Qazaqstan zańnamasyna sáıkes, sheteldegі qarýly qaqtyǵystarǵa qatysý qylmystyq jaýapkershіlіkke ákeledі.