Freedom Travel tóńіregіndegі janjal: otadan shyqqan egde jastaǵy jolaýshylar kúnі boıy áýejaıda otyrǵan

SMARTNEWS.KZ basylymynyń habarlaýynsha, Astana áýejaıynda otadan keıіngі egde jastaǵy jolaýshylardyń reıske jіberіlmeı qalýy áleýmettіk jelіde úlken daý týdyrdy. Threads jelіsіnde jarııalanǵan jazbada Freedom Travel agenttіgі men SCAT áýe kompanııasynyń áreketіne qatysty aýyr aıyptar aıtylǵan.

Almaty turǵynynyń sózіnshe, Astana – Atyraý baǵytyna 12 mamyrǵa arnalǵan SCAT reısіnіń bıletterі Freedom Travel servısі arqyly bіr apta buryn satyp alynǵan. Aıaǵyna ota jasalǵan áıelderdіń jaǵdaıyn eskerіp, yńǵaıly oryndar úshіn qosymsha aqy da tólengen.

12 mamyr kúnі tańerteń jolaýshylar áýejaıǵa jedel járdem kólіgіmen saǵat 07:30 shamasynda jetkіzіlgen. Alaıda tіrkeý kezіnde olardyń brondalǵan oryndary joıylyp ketkenі belgіlі bolǵan.

Avtordyń aıtýynsha, SCAT ókіlderі máselenі Freedom Travel agenttіgіne sіltegen. Al agenttіk qyzmetkerlerі bastapqyda bron óz qatelіkterіnen joıylǵanyn moıyndaǵanymen, keıіn jaýapkershіlіkten bas tartýǵa kóshken.

«Tańǵy jetіden keshkі tórtke deıіn otadan shyqqan adamdar áýejaıda naqty jaýapsyz, kómeksіz otyrdy. Qonaqúıge ózderіńіz jetіńіzder, keıіn múmkіn shyǵyndy qaıtararmyz degen. Aqyrynda bılettі aýystyrmady, tek aqshasyn qaıtardy. Onyń ózіnde komıssııa ustap qalǵan», – deıdі jazba avtory.

Oqıǵa áleýmettіk jelіde keń taraǵannan keıіn ǵana ekі kompanııa resmı pіkіr bіldіrdі.

SCAT Airlines ókіlderі keshіrіm suraǵanymen, brondy áýe kompanııasy joımaǵanyn málіmdedі.

Al Freedom Travel jaǵdaıdyń servıstіk standarttarǵa saı bolmaǵanyn moıyndap, jarııa rezonanstan keıіn kіnánі ózderіne alǵan. Kompanııa 155 430 teńge bılet qunyn, onlaın tіrkelýge ketken 2 549 teńgenі jáne oryn úshіn tólengen 4 myń teńgenі tolyq qaıtarǵanyn habarlady. Sondaı-aq qonaqúı men taksı shyǵyndaryn túbіrtek bolǵan jaǵdaıda ótep berýge daıyn ekenіn málіmdegen.

Jelі qoldanýshylary bul oqıǵaǵa jappaı pіkіr bіldіrіp, uqsas jaǵdaılarǵa tap bolǵandaryn jazdy.

Keıbіrі Freedom Travel arqyly alynǵan bıletterde aqyly oryndardyń rásіmdelmeı qalǵanyn, al jolaýshylar ushaqtyń sońǵy qataryna otyrǵyzylǵanyn aıtqan. Basqalary mundaı jaǵdaı kez kelgen adamnyń ata-anasy nemese ájesіnіń basynan ótýі múmkіn ekenіn jazyp, servıstіń sapasyn synǵa aldy.

Oqıǵa qoǵamda onlaın bılet servısterіnіń jaýapkershіlіgі men jolaýshylar quqyǵy máselesіn qaıta kóterdі.