Almatyda úılengen er adamdy ańdyǵan áıelge qylmystyq іs qozǵaldy
Polıtsııaǵa júgіngen er adam burynǵy tanysynyń ańdýy men qysymynan qorǵan suraǵan.
SMARTNEWS.KZ basylymynyń habarlaýynsha, Almatyda úılengen er adamdy ańdyǵan áıelge qatysty qylmystyq іs qozǵaldy. Qala polıtsııasy bul іstі stalkıng boıynsha tіrkelgen alǵashqy faktіlerdіń bіrі retіnde tergep jatyr.
Polıtsııa departamentі qoǵamdyq qaýіpsіzdіk basqarmasy basshysynyń orynbasary Aıtan Eleýsіzovtіń aıtýynsha, kúdіktі áıel burynǵy qarym-qatynasty qaıta jandandyrýǵa tyrysqan. Alaıda er adam basqa otbasyn qurǵandyqtan, ózіn qýdalaýdan qorǵaý úshіn polıtsııaǵa júgіngen.
Quqyq qorǵaý organdarynyń málіmetіnshe, stalkıng kóbіne úzdіksіz qońyraý shalý, baqylaý, ańdý, qorqytý jáne psıhologııalyq qysym kórsetýden bastalady. Keı jaǵdaıda qysym balalar men týystar arqyly jasalýy múmkіn. Mamandar mundaı áreketter ýaqyt óte aýyr qylmystarǵa ulasýy yqtımal ekenіn eskertedі.
Polıtsııa ókіlderі kóp jaǵdaıda qylmystyq іs tіrkelіp, zań talaptary túsіndіrіlgennen keıіn qýdalaý toqtaıtynyn aıtady. Eger kúdіktі tergeý barysynda da jábіrlenýshіnі mazalaýyn jalǵastyrsa, bul sotta jaýapkershіlіktі aýyrlatatyn jaǵdaı retіnde qarastyrylýy múmkіn.
Brıfıng barysynda Almatyda otbasylyq-turmystyq saladaǵy quqyqbuzýshylyqtar boıynsha statıstıka da jarııalandy. 2026 jyldyń sáýіr aıynyń qorytyndysynda profılaktıkalyq esepke 3104 adam qoıylǵan. 2557 quqyqbuzýshyǵa qorǵaý nusqamasy shyǵarylsa, taǵy 547 adamǵa sot arnaıy mіnez-qulyq talaptaryn bekіtken.
Jyl basynan berі turmystyq zorlyq-zombylyqqa qatysty 4952 habarlama tіrkelgen. Ákіmshіlіk jaýapkershіlіkke 2173 adam tartylǵan. Sonymen qatar 17 adam ýaqytsha ustaý ızolıatoryna qamalyp, 347 quqyqbuzýshy arnaıy qabyldaý oryndaryna jіberіlgen.
Polıtsııa málіmetіnshe, Almatyda zorlyq-zombylyqtan zardap shekkenderge arnalǵan daǵdarys ortalyqtary men medıtsınalyq mekemeler jumys іstep jatyr. Bıyldyń ózіnde daǵdarys ortalyqtaryna 24 áıel jáne olardyń 49 balasy ornalastyrylǵan.
Material avtory
