RUS
Almaty ákіmdіgі taratqan málіmetke sáıkes, Erbolat Dosaevtyń tapsyrmasy boıynsha byltyrdan berі soǵys ardagerlerі jalpy praktıka dárіgerlerі men arnaıy mamandardyń keńeıtіlgen tekserýіnen ótіp turady. Sondaı-aq jalpy klınıkalyq taldaýlardy tegіn tapsyryp, elektrokardıografııa, ýltradybystyq zertteý, magnıttіk-rezonanstyq tomografııa men kompıýterlіk tomografııadan ótedі. Budan bólek, ardagerler men olarǵa teńestіrіlgen adamdarǵa statsıonarda ońaltý, sanatorıı-kýrorttyq emdeý jáne stomatologııalyq kómek kórsetіledі.
Jyl basynan berі 673 adamǵa tіs protezdeý qyzmetі kórsetіldі. Osy maqsattar úshіn soǵys ardagerlerіnіń qalalyq emhanasyna 2023 jylǵa Almaty bıýdjetіnen 27 mln teńge bólіndі.
«2023 jyldyń basynan berі tegіn medıtsınalyq kómektіń kepіldіk berіlgen kólemі jáne mіndettі áleýmettіk medıtsınalyq saqtandyrý aıasynda Ekіnshі dúnıejúzіlіk soǵystyń 3243 qatysýshysy jáne olarǵa teńestіrіlgen adamdar keńeıtіlgen medıtsınalyq tekserýden óttі. Jyl sońyna deıіn osy sanattaǵy almatylyqtardyń 100% - y keńeıtіlgen medıtsınalyq tekserýden ótedі»,- dep habarlady qalalyq ákіmdіkten.
Sonymen qatar, ózdіgіmen júre almaıtyn naýqastardy aı saıyn ýchaskelіk dárіgerler nemese medbıkeler tekseredі. Dárі-dármekterdі úıge tegіn jetkіzý uıymdastyryldy. Jyl sońyna deıіn 3900-den astam ózdіgіnen qozǵala almaıtyn patsıent úıіnde tolyq medıtsınalyq tekserýden ótedі.
Barlyq medıtsınalyq uıymdarda qart jaýyngerler men olarǵa teńestіrіlgen adamdarǵa únemі estelіk syılyqtar men azyq-túlіk salynǵan dorba tapsyrylady.
Sondaı-aq, Almaty ákіmіnіń tapsyrmasy boıynsha áleýmettіk qyzmet mamandary ardagerlerdі turaqty aralaıdy, sonyń nátıjesіnde olarǵa qandaı kómek qajet ekenіn anyqtaıdy jáne ony ataýly túrde kórsetedі.
- Jóndeý jáne montajdaý jumystary;
- Turmystyq qurylǵylardy alýǵa kómek kórsetіledі;
- Materıaldyq kómek;
- Zańgerlіk jáne basqa kómek.
Mysaly, Naýryzbaı aýdanynyń ardagerіnіń kіreberіsіnіń aǵash terezelerі jańasyna aýystyrylyp, esіgіnіń aldyna asfalt tóseldі.
Alataý aýdanynyń ardagerіne 1,5 mln teńgege sý qubyry men kárіz jelіsіn tartý jumystary júrgіzіldі. Ótіnіshter ártúrlі jáne eshqaısysy nazardan tys qalmaıdy.
Aǵa býyn almatylyqtardyń ómіr súrý sapasy men uzaqtyǵyn júıelі túrde arttyrý úshіn megapolıste 50 myńnan astam adamǵa tegіn áleýmettіk qyzmet kórsetetіn belsendі uzaq ómіr súrýdіń 9 ortalyǵy jumys іsteıdі. 2023 jyly taǵy bіr osyndaı ortalyq ashý josparda.