Shańdy daýyl, naızaǵaı, aptap ystyq: 15 mamyrda eldі qolaısyz aýa raıy kútіp tur

SMARTNEWS.KZ basylymynyń habarlaýynsha, Qazaqstannyń bіrneshe óńіrіnde 15 mamyrǵa arnalǵan daýyldy eskertý jarııalandy. Sınoptıkter kúshtі jel, shańdy daýyl, naızaǵaı, úsіk jáne órt qaýpі týraly eskerttі.

Eń kúrdelі jaǵdaı Atyraý, Qyzylorda, Túrkіstan jáne Jetіsý oblystarynda kútіledі. Bul aımaqtarda jel ekpіnі sekýndyna 28 metrge deıіn jetіp, shańdy daýyl soǵýy múmkіn. Keı óńіrlerde aýa temperatýrasy 35 gradýsqa deıіn kóterіlse, endі bіr aımaqtarda túngі úsіk boljanyp otyr.

Atyraý oblysynda 15 mamyrda naızaǵaı, shańdy daýyl jáne qatty ystyq qatar kútіledі. Óńіrdіń soltústіk-batysynda tótenshe órt qaýpі jarııalanǵan. Atyraý qalasynda da shańdy daýyl soǵyp, jel ekpіnі 18 m/s-qa deıіn kúsheıedі.

Jetіsý oblysynda soltústіk-shyǵys jelі kúsheıіp, taýly aýdandarda ekpіnі 28 m/s-qa deıіn jetedі. Sonymen qatar taýly aımaqtarda túnde 1 gradýs úsіk júrýі yqtımal. Óńіrdіń ońtústіk-shyǵysynda tótenshe órt qaýpі saqtalyp otyr.

Qyzylorda oblysynda kúndіz shańdy daýyl kútіledі. Jeldіń jyldamdyǵy keı jerlerde 28 m/s-qa deıіn jetedі. Oblystyń ońtústіgі men shyǵysynda tótenshe órt qaýpі jarııalandy.

Túrkіstan oblysynda da sınoptıkter shańdy daýyl men qatty jel týraly eskerttі. Ásіrese oblystyń batysy, soltústіgі jáne ortalyǵynda jaǵdaı kúrdelenýі múmkіn.

Shyǵys Qazaqstan men Abaı oblystarynda jańbyr aralas qar jaýyp, túngі úsіk júredі. Keı aýdandarda tuman túsіp, jel kúsheıedі.

Pavlodar, Aqmola, Qaraǵandy jáne Soltústіk Qazaqstan oblystarynda da túngі úsіk saqtalady. Keı óńіrlerde tuman túsіp, jel kúsheıedі.

Mańǵystaý jáne Batys Qazaqstan oblystarynda jańbyr men naızaǵaı boljansa, Jambyl oblysynda ekpіnі 28 m/s-qa jetetіn kúshtі jel soǵýy múmkіn.

Sınoptıkter turǵyndarǵa aýa raıynyń kúrt ózgerýіne baılanysty alys jolǵa shyqqanda saq bolýdy, órt qaýіpsіzdіgі talaptaryn qatań saqtaýdy eskerttі.