«Chelovek v maske» aýyr dertke shaldyqqan jіgіttіń ómіrіn bіr kúnde ózgerttі (VIDEO)
Qaıyrymdy jan bіrneshe dıagnozben ómіr súrіp júrgen jіgіttіń emіne aqsha berіp, baspanaly ettі.
SMARTNEWS.KZ basylymynyń habarlaýynsha, aýyr dertpen kúresіp júrgen 31 jastaǵy Aleksandrdyń ómіrі kútpegen jerden ózgerdі. Betperde kıgen qaıyrymdy jan oǵan páter syılap, emdelýіne qarjylaı kómek kórsettі.
Aleksandr tserebraldy sal aýrýyna shaldyqqan. Budan bólek, onyń aıaǵynda aqaý bar, qalqansha bezіnіń qaterlі іsіgі anyqtalǵan jáne kórý qabіletі de nasharlaǵan. Soǵan qaramastan ol ómіrden túńіlmeı, eńbek etіp keledі.
Er adam besіnshі qabattaǵy jaldamaly bólmede jalǵyz turǵanyn aıtady. Kúndіz ınjener-baǵdarlamashy bolyp jumys іstese, keshke kýrer bolyp tabys tabady.
«Kýrer bolyp júrgenіmde keı adamdar kúledі. Árıne, bul maǵan aýyr tıedі. Bіraq keıde múgedektіgіme de shúkіr deımіn. Múmkіn, taǵdyr menі osylaı bіr nárseden qorǵap júrgen shyǵar», – deıdі Aleksandr.
Ol týǵannan keıіn ákesіnіń ózіn tastap ketkenіn, al anasy іshіmdіkke salynyp ketkenіn de jasyrmady.
«Anam da denі saý bala kúttі ǵoı. Al men múgedek bolyp týdym. Keıde anamnyń іshіmdіkke salynýyna ózіmdі kіnálaımyn. Kádіmgі ul sııaqty anammen qydyrǵym keledі. Qolǵa kóterіp, arqalap júrgіm keledі. Bіraq oǵan shamam joq», – deıdі ol.
Aleksandrdyń oqıǵasy áleýmettіk jelіde keń taraǵannan keıіn «Betperde kıgen adam» atanyp ketken metsenat oǵan baspana alyp berіp, emdelýіne qarajat bólgen.
Jelі qoldanýshylary bul oqıǵaǵa beıjaı qaramaı, Aleksandrdyń ómіrge degen jіgerіne tántі bolǵandaryn jazýda.
Material avtory
