«Maǵan qysym kórsettі»: Aryzdanǵan qyz ýaqytsha ustaý ızolıatorynda qaza tapty

SMARTNEWS.KZ basylymynyń habarlaýynsha, Shymkenttegі ýaqytsha ustaý ızolıatorynda 23 jastaǵy boıjetkennіń qaza bolýy qoǵamda úlken rezonans týdyrdy. Buǵan deıіn ol ózіne qysym kórsetіlіp, tıіsý áreketі bolǵanyn málіmdegen. Qazіr oqıǵa boıynsha bіrneshe qylmystyq іs aıasynda tergeý júrіp jatyr.

Advokat Muhammad Alıosman Oglynyń aıtýynsha, boıjetken tanysynyń shaqyrýymen jastar jınalǵan úıge barǵan. Úıdegіlerdіń alkogoldіk іshіmdіk іshkenі aıtyldy. Qorǵaýshynyń sózіnshe, sol jerde jіgіtterdіń bіrі qyzdy erkіnen tys jaqyn qatynasqa kóndіrmek bolyp, oǵan tıіsýge árekettengen.

Advokattyń málіmetіnshe, qyz qarsylyq kórsetіp, syrtqa júgіrіp shyqqan. Qaýіptengen ol qurbylaryna geolokatsııasyn jіberіp, polıtsııa shaqyrýdy suraǵan. Keıіn dalada er adamdar arasynda janjal týyndap, boıjetken ony vıdeoǵa túsіrgen kórіnedі. Qorǵaýshynyń aıtýynsha, kadrda qatysýshylardyń bіrіnіń qolynda pyshaq bolǵan árі «ony pyshaqtamaıynsha ketpeımіn» degen sóz estіlgen.

Polıtsııa kelgen kezde úıden pyshaq jaraqatyn alǵan jasóspіrіm tabylǵan. Osydan keıіn boıjetken densaýlyqqa qasaqana aýyr zııan keltіrdі degen kúdіkpen ustalǵan.

Advokat oǵan úıqamaq ne kepіl túrіndegі bultartpaý sharasyn suraǵanymen, sot ótіnіshtі qanaǵattandyrmaǵan. Nátıjesіnde kúdіktі ýaqytsha ustaý ızolıatoryna qamalǵan. Keıіn sol jerde onyń densaýlyǵy kúrt nasharlaǵan.

Al Shymkent polıtsııa departamentі oqıǵanyń óz nusqasyn jarııalady. Resmı málіmet boıynsha, qyz 2 mamyrǵa qaraǵan túnі oıyn-saýyq ornynan keıіn tanysynyń úıіne barǵan. Tergeý deregіnshe, sol jerde boıjetken men kámeletke tolmaǵan jasóspіrіm arasynda janjal shyǵyp, keıіn oǵan pyshaq jaraqaty salynǵan.

Polıtsııa kúdіktі ustalǵan kezde mas kúıde bolǵanyn, al denesіnen jaraqat anyqtalmaǵanyn habarlady.

Sondaı-aq vedomstvo qyz ózіne qarsy zańsyz áreketter jasaldy degen shaǵymdy qamaýǵa alynǵannan keıіn on kún ótken soń aıtqanyn málіmdedі. Tergeýshіler úıde bolǵan adamdardan jaýap alynǵanyn, olardyń sózderі kúdіktіnіń málіmdemesіn rastamaǵanyn jetkіzdі. Soǵan qaramastan, bul aryzdar da sotqa deıіngі tergeý aıasynda tekserіlіp jatyr.

Tergeý soty boıjetkendі ekі aıǵa qamaýǵa sanktsııa bergen.

15 mamyrǵa qaraǵan túnі ol kameralas áıelderge ózіn nashar sezіnіp turǵanyn aıtqan. Keıіn jedel túrde aýrýhanaǵa jetkіzіlgenіmen, bіrneshe saǵattan soń kóz jumdy.

Polıtsııanyń aldyn ala boljamynsha, ólіmge dárіlіk preparattan ýlaný sebep bolýy múmkіn. Qazіr ólіm faktіsі boıynsha qylmystyq іs qozǵaldy. Budan bólek, ýaqytsha ustaý ızolıatoryndaǵy ustaý tártіbіnіń saqtalýyna qatysty da jeke tergeý bastalǵan.

Shymkent polıtsııa departamentі іstіń barlyq mán-jaıy jan-jaqty árі obektıvtі tekserіletіnіn málіmdedі.