«Báıterek» túbіnde shampan shashqan blogerge aıyppul salyndy
Instagram úshіn túsіrіlgen vıdeo úshіn bloger jazalandy.
SMARTNEWS.KZ basylymynyń habarlaýynsha, Astanada bloger qyz trend vıdeo túsіremіn dep «Báıterek» mańynda shampan shashyp, aıyppul arqalady.
Oqıǵa 2026 jylǵy 27 sáýіrde túngі saǵat 01:00 shamasynda Nurjol býlvarynda bolǵan. Mamandandyrylǵan aýdanaralyq ákіmshіlіk quqyq buzýshylyqtar sotynyń málіmetіnshe, áıel adam qoǵamdyq orynda shampan bótelkesіn ashyp, іshіmdіktі jerge tókken.
Sotta ol kіnásіn tolyq moıyndap, áreketіn áleýmettіk jelіge arnalǵan trend vıdeo túsіrýmen baılanystyrǵan. Aıtýynsha, túsіrіlіmnen keıіn qoqysty jınap ketken.
Is materıaldarynda quqyq buzýshylyqty blogerdіń óz moıyndaýy, polıtsııa ınspektorynyń raporty, ákіmshіlіk hattama jáne Instagram-da jarııalanǵan vıdeo dáleldegenі kórsetіlgen.
Sot bul árekettі qoǵamdyq oryndy lastaý dep tanydy. Ákіmshіlіk kodekstіń 434-2-baby 1-bólіgіne sáıkes, mundaı quqyq buzýshylyq úshіn 10 AEK kólemіnde aıyppul nemese 40 saǵat qoǵamdyq jumys qarastyrylǵan.
Alaıda qoǵamdyq jumys tek quqyq buzýshynyń kelіsіmіmen taǵaıyndalady. Bloger qoǵamdyq jumysqa kelіspegendіkten, sot oǵan 43 250 teńge kólemіnde aıyppul saldy.
Material avtory
