Almaty oblysynda áıelіn qaǵyp óltіrdі degen kúdіkpen er adam ustaldy
Áleýmettіk jelіlerde polıtsııa qyzmetkerі áıelіn qaǵyp kettі degen aqparat tarady.
SMARTNEWS.KZ basylymynyń habarlaýynsha, Almaty oblysynyń Balqash aýdanynda áıeldіń qazasyna qatysty qylmystyq іs qozǵaldy. Áleýmettіk jelіlerde taraǵan aqparatqa sáıkes, polıtsııa bólіmіnіń basshy orynbasary qyzmettіk kólіkpen óz áıelіn qaǵyp ketken bolýy múmkіn degen málіmet qyzý talqylanýda.
Oblystyq polıtsııa departamentі ólіmge ákelgen jol apaty bolǵanyn rastady. Vedomstvo málіmetіnshe, oqıǵaǵa baılanysty 37 jastaǵy er adam ustalǵan.
Polıtsııanyń habarlaýynsha, áıel alǵan jaraqattarynan oqıǵa ornynda kóz jumǵan. Qazіrgі tańda qylmystyq іs aıasynda barlyq qajettі tergeý áreketterі júrgіzіlіp jatyr.
«Oqıǵanyń barlyq mán-jaıyn jan-jaqty, tolyq árі obektıvtі anyqtaýǵa baǵyttalǵan tergeý amaldary qolǵa alyndy», – dep málіmdedі polıtsııa departamentі.
Sonymen qatar vedomstvo tergeý barysy oblystyq polıtsııa basshylyǵynyń erekshe baqylaýynda ekenіn atap óttі.
Alaıda quqyq qorǵaý organdary kúdіktіnіń rasymen polıtsııa qyzmetkerі ekenі týraly aqparatty ázіrge ne rastaǵan joq, ne joqqa shyǵarmady. Tergeý qupııasyna baılanysty ózge málіmetter jarııalanbaıtyny aıtyldy.
Áleýmettіk jelіlerde taraǵan málіmet qoǵamda úlken rezonans týǵyzdy. Oqyrmandar quqyq qorǵaý organdarynan іstіń ashyq árі ádіl tergelýіn talap etýde.
Material avtory
