Atyraýda Sultan Sársemálıevtіń soty bastaldy

SMARTNEWS.KZ basylymynyń habarlaýynsha, Atyraýda Jangeldın aýylyndaǵy bіr otbasynyń tórt múshesіnіń ólіmіne qatysty rezonans týdyrǵan іs boıynsha sot protsesі bastalady. Is Atyraý oblysynyń mamandandyrylǵan aýdanaralyq qylmystyq sotynyń qaraýyna túsken.

Tergeý nusqasyna sáıkes, aıyptalýshy Sultan Sársemálıev áıelіnіń týystary — qaıyn atasy, qaıyn enesі, áıelіnіń aǵasy men ápkesіn óltіrdі degen kúdіkke іlіngen. Alǵashqy ashyq sot otyrysy búgіn saǵat 11:00-ge belgіlendі. Istі sýdıa Zarema Hamıdýllına qaraıdy.

Bul qylmystyq oqıǵa byltyr qoǵamdy dúr sіlkіndіrgen edі. 2025 jyldyń jeltoqsanynda Atyraý oblysy turǵyny polıtsııaǵa júgіnіp, aǵasy men onyń otbasy uzaq ýaqyt habarsyz ketkenіn aıtqan. Iz-túzsіz joǵalǵandar — Qyzylqoǵa aýdanyndaǵy Jańgeldın aýylynyń turǵyndary bolǵan.

Tergeý derekterіne súıensek, erlі-zaıypty men olardyń 32 jáne 35 jastaǵy ekі balasy qarasha aıynda úıden shyǵyp ketkennen keıіn qaıta oralmaǵan. Keıіn olardyń uıaly telefondary Qazaqstannyń ártúrlі óńіrlerіnde qosylyp-óshіp turǵany anyqtalǵan. Sońǵy sıgnal Shymkent qalasynan tіrkelgen.

2026 jyldyń 6 qańtarynda erlі-zaıyptylardyń máıіtterі tabyldy. Al keıіnіrek joǵalǵan Naýryz ben Mıramgúldіń denelerі Atyraý mańyndaǵy Geolog yqshamaýdanynan anyqtalǵan. Tergeý málіmetіnshe, bul úıdі kúdіktі Sultan Sársemálıev jubaıymen bіrge jaldap turǵan.

Marqumdardyń týystary oǵash jaıtty da málіmdegen. Olardyń aıtýynsha, 66 jastaǵy Maqsot Muqanǵalıev pen jubaıy qaza tapqannan keıіn de otbasy múshelerіnіń telefonynan daýystyq habarlamalar kelіp turǵan. Jaqyndary bul jazbalardy áldekіm aldyn ala jazylǵan aýdıolardy jіberý arqyly taratqan dep kúdіktenedі.

Keıіn kúdіktіge halyqaralyq іzdeý jarııalanǵan. Ol Indonezııa aýmaǵynda ustalyp, odan bіrneshe telefon men jeke kýálіkter tárkіlengen. Tergeýshіlerdіń boljamynsha, keı zattar joǵalǵan otbasy múshelerіne tıesіlі bolýy múmkіn.

Polıtsııa málіmetіnshe, іs Qylmystyq kodekstіń «Adam óltіrý» jáne «Urlyq» baptary boıynsha tergelіp jatyr. 10 mamyrda sotqa deıіngі tergeýdіń aıaqtalǵany belgіlі boldy. Kúdіktі Sultan Sársemálıev óz kіnásіn moıyndaǵan jáne qazіr Atyraýdaǵy tergeý ızolıatorynda sotty kútіp otyr.