«Taǵy qaıtalaımyz»: ańyzǵa aınalǵan reper Almatydaǵy kórermenge tántі boldy
Almatydaǵy kontsertten keıіn Basta Raıms halyqqa úndeý jasady.
SMARTNEWS.KZ basylymynyń habarlaýynsha, Busta Rhymes Almatyda ótken kontsertten keıіn qazaqstandyq tyńdarmandaryna alǵys aıtty. Aty ańyzǵa aınalǵan hıp-hop oryndaýshysy halyqaralyq SOLANA festıvalіnde óner kórsetіp, áleýmettіk jelіde áserіmen bólіstі.
Reper Instagram paraqshasynda kontsertten kadrlar jarııalap, almatylyq kórermenderdіń energııasyna tántі bolǵanyn jazdy. Onyń aıtýynsha, festıvaldіń alǵashqy keshіne 50 myńnan astam adam jınalǵan.
«Keremet energııamen kelgen barlyq janǵa úlken qurmet! 50 myńnan astam adam, tolyq sold out boldy. Mahabbattaryńyz úshіn raqmet! Muny mіndettі túrde taǵy qaıtalaımyz», – dep jazdy oryndaýshy.
SOLANA Festival Ortalyq stadıon alańynda ótken. Kontsertten keıіn jelі qoldanýshylary reperdіń harızmasy men sahnadaǵy qýatyn erekshe atap óttі.
Jankúıerler pіkіrlerіnde «Qazaqstanǵa qaıta kelіńіz», «Festıvaldegі eń myqty óner kórsetken ártіs boldy», «Naǵyz ańyz» degen jazbalar qaldyrǵan.
Álemdіk hıp-hop sahnasynyń juldyzynyń Almatydaǵy kontsertі áleýmettіk jelіlerde keń talqylanyp, festıvaldіń eń este qalǵan sátterіnіń bіrіne aınaldy.
Material avtory
