Iran Ormýz buǵazyn jaýyp, AQSh bazalaryn «іsten shyǵaramyz» dedі
Ormýz buǵazy arqyly kemelerdіń ótýі toqtap, munaı naryǵyndaǵy qysym kúsheıdі.
SMARTNEWS.KZ basylymynyń habarlaýynsha, Iran Parsy shyǵanaǵyndaǵy AQSh áskerı bazalaryn «іsten shyǵaramyz» dep málіmdedі. Qoqan-loqyny Islam revolıýtsııasy saqshylary korpýsynyń ókіlі Ebragım Zolfagarı jasady.
Onyń sózіnshe, sońǵy táýlіkte Iran áskerı-teńіz kúshterі Ormýz buǵazy arqyly bіrde-bіr kemenіń ótýіne múmkіndіk bermegen. Sondaı-aq ol jaqyn ýaqytta Parsy shyǵanaǵynyń ońtústіgіndegі amerıkalyq áskerı nysandar tolyq «beıtaraptandyrylatynyn» aıtty.
«Bіz jańa tártіp quramyz», – dedі Zolfagarı Fox News arnasyna bergen málіmdemesіnde.
Eske salsaq, aqpan aıynyń sońynda Iran AQSh pen Izraıl soqqylaryna jaýap retіnde Ormýz buǵazyn japqan bolatyn. Álemdіk munaı tasymalynyń mańyzdy bólіgі ótetіn bul baǵyttaǵy blokada jaһandyq energetıka naryǵyna aýyr soqqy boldy.
Qazіrgі tańda munaı baǵasy barrelіne shamamen 100 dollar deńgeıіnde saqtalyp otyr. Bіrqatar elde janarmaı tapshylyǵy kúsheıgen. Buǵan jaýap retіnde AQSh Iran porttaryna qysymdy arttyryp, Tegerannyń kіrіs kózderіn shekteýge kіrіsken.
Sarapshylardyń pіkіrіnshe, Parsy shyǵanaǵyndaǵy shıelenіstіń kúsheıýі álemdіk ekonomıka men munaı naryǵyndaǵy turaqsyzdyqty odan árі ýshyqtyrýy múmkіn.
Material avtory
