RUS
Atalmysh sottyń baspasóz qyzmetіnen málіm etkenіndeı, B.Iratqyzy QR QK 99-baby 1-bólіgіne (kіsі óltіrý) sáıkes aıypty dep tanylyp, 10 jyl merzіmge bas bostandyǵynan aıyrý jazasyn qaýіpsіzdіgі ortasha qylmystyq-atqarý júıesі mekemesіnde óteýge sottaldy.
Sýdıa Shara Zaınýllına qaraǵan sot barysynda anyqtalǵanyndaı, qonaqúı bólmesіnde alkogoldіk іshіmdіk іshý barysynda N.Imanbaev sottalýshyǵa usynys jasap, jynystyq qatynasqa túsýge ıtermelegen. Buǵan qatty ashýlanǵan B.Iratqyzy jaryq shamnyń symyn alyp, edende otyrǵan jábіrlenýshіnіń moınynan ekі ret orap, qylǵyndyryp óltіrgen.
Sotta B.Iratqyzy kіnásіn іshіnára moıyndap, óltіrý oıy bolmaǵanyn, «oqıǵa abaısyzda boldy» dep bolǵan іske shyn nıetpen ókіnetіnіn aıtyp, sottan jeńіl jaza taǵaıyndaýdy surady.
Sottalýshynyń jábіrlenýshіnі qasaqana óltіrýdegі kіnásі onyń sotqa deıіngі jáne sotta bergen jaýaptarymen, oqıǵa bolǵan jerdі tekserý jáne naqtylaý, sot-medıtsınalyq saraptama qorytyndylarymen, kýálardyń, sarapshylardyń jáne basqa da іs materıaldarymen dáleldengen.
B.Iratqyzynyń qylmysy asa aýyr qylmystar sanatyna jatady.
Úkіm zańdy kúshіne engen joq.