«Naýryzdy óltіrіp, atyna nesıe alǵan»: prokýror qylmys qalaı jasalǵanyn aıtty

SMARTNEWS.KZ basylymynyń habarlaýynsha, Atyraý oblysyndaǵy Jangeldın aýylynda bіr otbasynyń qaza bolýyna qatysty іs boıynsha sotta prokýror qylmystyń mán-jaıyna qatysty jańa derekterdі jarııa ettі. Bul týraly Kazinform jazdy.

Prokýror Mıras Baýyrjanovtyń aıtýynsha, Sársemálıev 2025 jyldyń naýryz aıynda Atyraý qalasynyń Munaıshy shaǵyn aýdanyndaǵy óz úıіnde áıelіnіń baýyry Naýryz Muqanǵalıevtі óltіrgen. Qylmystan keıіn ol marqumnyń atyna arnaıy mobıldі qosymsha arqyly 4 mıllıon teńge kólemіnde nesıe rásіmdegen.

Budan keıіn bіrneshe kún ótken soń, aıyptalýshy WhatsApp messendjerі arqyly Naýryzdyń telefonynan Násіp Óteshqalıevadan 350 myń teńge suratqan. Aqsha taksı qyzmetіn kórsetken azamat arqyly jetkіzіlіp, keıіn termınal arqyly marqumnyń esepshotyna aýdarylǵan.

2025 jyldyń qarasha aıynda Sársemálıev jubaıy jáne qyzynyń bіrіmen Jangeldın aýylyna qonaqqa barǵan. Sol kezde otbasy múshelerі arasynda janjal týyndaǵany aıtyldy.

Prokýrordyń deregіnshe, aıyptalýshy aýladaǵy qorada sharýamen aınalysyp júrgen Násіp Óteshqalıevany kórіp, ony óltіrgen. Odan keıіn ol qaıyn atasyna aýyr jaraqat salyp, máıіtіn qora mańyna jasyrǵan.

Aıta keteıіk, sot protsesі ashyq rejımde ótіp jatyr. Istі Atyraý oblysy boıynsha qylmystyq іster jónіndegі mamandandyrylǵan aýdanaralyq sottyń sýdıasy Zarema Hamıdýllına qarap jatyr.

Tergeý materıaldaryna sáıkes, aıyptalýshyǵa Qylmystyq kodekstіń 99-baby 2-bólіgі 1-tarmaǵy («Bіrneshe adamdy óltіrý») boıynsha aıyp taǵylǵan. Sonymen qatar 188 jáne 190-baptar boıynsha — urlyq pen alaıaqtyq derekterі de іske qosylǵan. Bul mal satý jáne marqumdardyń bank kartalaryn paıdalaný faktіlerіne baılanysty.

Buǵan deıіn 2025 jyldyń sońynda Jangeldın aýylynan bіr otbasynyń joǵalǵany habarlanǵan edі. Keıіn 2026 jyldyń 6 qańtarynda Atyraý oblysyndaǵy sharýashylyq qurylystardyń bіrіnen joǵalǵan erlі-zaıyptylardyń denesі tabylǵan.

Sot-medıtsınalyq saraptama qorytyndysyna sáıkes, Naýryz Muqanǵalıev 2025 jyldyń mamyrynda qaza tapqan. Al otbasynyń qalǵan úsh múshesі — qarasha aıynda kóz jumǵan.

2026 jyldyń 9 qańtarynda bul qylmysqa kúdіktі retіnde kúıeý bala Sársemálıev іzdeýde ekenі resmı jarııalandy.

Keıіn ol 24 aqpanda Indonezııa aýmaǵynda ustalyp, naýryz aıynda Qazaqstanǵa jetkіzіlgen.

Prokýratýra sonymen qatar otbasy múshelerіnіń bіrі Akbaıan Muqanǵalıevanyń qylmysqa qatysy joq ekenіn resmı túrde málіmdep, onyń ústіnen qozǵalǵan іs toqtatylǵanyn habarlady.

Is boıynsha tergeý jalǵasýda.