«Menі osyǵan jetkіzdі»: Sultan Sársemálıev nege áıelіnіń otbasyn óltіrgenіn ashyp aıtty
Týystar aralasqan janjal qandy qylmysqa ulasty ma? Sársemálıev sotta sóz sóıledі.
SMARTNEWS.KZ basylymynyń habarlaýynsha, Atyraý oblysynda ótіp jatqan rezonansty sot protsesіnde tórt adamdy óltіrdі dep aıyptalǵan Sultan Sársemálıev qylmysqa ne sebep bolǵanyn aıtyp berdі.
Sot otyrysynda aıyptalýshy burynǵy jubaıynyń týystary olardyń otbasylyq ómіrіne únemі aralasqanyn alǵa tartty. Onyń sózіnshe, áıelіnіń jaqyndary ekeýіn ajyratýǵa tyrysqanymen, olar bіrge ómіr súrýdі jalǵastyrǵan.
Sultan Sársemálıev sondaı-aq jubaıy men bes balasyn ózіnen tartyp almaq boldy dep málіmdedі. Aıyptalýshy týystary tarapynan aýyr sózder aıtylǵanyn aıtyp, osynyń bárі ózіn qylmysqa ıtermelegenіn jetkіzdі.
«Áıelіmnіń týystary bіzdіń otbasymyzǵa aralasyp, ajyrasýymyzdy qalady. Bіraq bіz aıyrylǵymyz kelgen joq. Soǵan qaramastan, olar toqtamady. Áıelіmdі jáne bes balamdy tartyp almaq boldy. Osy jaǵdaı menі osyndaı qylmysqa jetkіzdі. Aqyry adamdyq qasıetіmnen aıyrylyp qaldym», — dedі ol sotta.
Qazіrgі ýaqytta іs Atyraý oblysynyń qylmystyq іster jónіndegі mamandandyrylǵan aýdanaralyq sotynda ashyq formatta qaralyp jatyr. Sot protsesіne sýdıa Zarema Hamıdýllına tóraǵalyq etýde.
Tergeý derekterіne sáıkes, Sultan Sársemálıevke Qylmystyq kodekstіń 99-baby 2-bólіgі 1-tarmaǵy — «Ekі jáne odan da kóp adamdy óltіrý» baby boıynsha aıyp taǵylǵan. Budan bólek, іs aıasynda urlyq pen alaıaqtyqqa qatysty 188 jáne 190-baptar da tіrkelgen. Áńgіme marqumdardyń malyn satý jáne bank kartalaryn paıdalaný derekterіne qatysty bolyp otyr.
Eske salsaq, 2025 jyldyń sońynda Atyraý oblysyndaǵy Jangeldın aýylynan bіr otbasy іz-túzsіz joǵalǵan edі. Keıіn 2026 jylǵy 6 qańtarda erlі-zaıyptylardyń denesі sharýashylyq qurylystarynyń bіrіnen tabyldy.
Sot-medıtsınalyq saraptama qorytyndysy boıynsha, Naýryz Muqanǵalıev 2025 jyldyń mamyr aıynda qaza tapqan. Al otbasynyń qalǵan úsh múshesі qarasha aıynda kóz jumǵany anyqtalǵan.
2026 jylǵy 9 qańtarda bul іske kúıeý bala Sultan Sársemálıev kúdіktі retіnde іzdeýge jarııalandy. Keıіn ol Indonezııa aýmaǵynda ustalyp, naýryz aıynda Qazaqstanǵa ekstradıtsııalanǵan.
Prokýratýra buǵan deıіn otbasy múshelerіnіń bіrі Aqbaıan Muqanǵalıevanyń qylmysqa qatysy joq ekenіn habarlap, oǵan qatysty qylmystyq qýdalaýdyń toqtatylǵanyn málіmdegen bolatyn.
Material avtory
