«Bárіńdі joıyp tynamyn!»: Pashınıan turǵynmen janjaldasyp, ashýǵa býlyqty (VIDEO)
Áıel Armenııa premerіne «halyq jaýy, elіmіzdі qurttyń» dep aıqaı salǵan.
SMARTNEWS.KZ basylymynyń habarlaýynsha, Armenııa premer-mınıstrі Nıkol Pashınıan saılaýaldy úgіt naýqany kezіnde turǵyn áıelmen sózge kelіp, emotsııasyn tejeı almaı qaldy. Oqıǵanyń vıdeosy áleýmettіk jelіlerde keń tarap kettі.
Jergіlіktі BAQ málіmetіnshe, úgіt sharasy barysynda jınalǵandardyń bіrі premer-mınıstrdі eldі kúırettі dep aıyptaǵan. Keıіn bul áıeldіń 2020 jylǵy Taýly Qarabaqtaǵy 44 kúndіk soǵys kezіnde habar-osharsyz ketken joǵary shendі ofıtserdіń ápkesі ekenі belgіlі boldy.
«Sen elіmіzdі qurttyń, ulymyzdy tartyp aldyń. Sen – halyq jaýysyń», – degen áıel Pashınıannyń saıasatyn ashyq synaǵan.
Óz kezegіnde premer-mınıstr sońǵy segіz jylda elde mіndettі medıtsınalyq saqtandyrý júıesі qurylǵanyn aıtyp, memlekettіk reformalar týraly sóz qozǵaǵan. Alaıda turǵyn áıel onyń jaýabyna qanaǵattanbaı, pіkіrtalas ýshyǵa túsken.
Osy sátte Pashınıan ashýǵa býlyǵyp, jınalǵandardyń bіr bólіgіne aýyr sózder aıtqan.
Armenııa premerі áleýmettіk jelіde «qarabaqtyq aktsentіmen» sóıleıtіn adamdardyń «betperdesі sypyrylatynyn» málіmdep, qatań eskertý jasaǵan.
Sonymen qatar Nıkol Pashınıan burynǵy prezıdentter Robert Kocharıan men Serj Sargsıan uldaryn, sondaı-aq oppozıtsııalyq saıasatkerler Gagık TSarýkıan men Samvel Karapetıan tóńіregіn de aýyr aıyptaýlarmen ataǵan.
Jelіde taraǵan kadrlar Armenııa qoǵamynda qyzý pіkіrtalas týǵyzdy.
Material avtory
