AQSh-taǵy іrі meshіtke shabýyl jasalyp, úsh adam qaza tapty
Shabýylǵa kúdіktі ekі jasóspіrіm oqıǵadan keıіn kólіk іshіnde ólі tabyldy.
SMARTNEWS.KZ basylymynyń habarlaýynsha, Islam ortalyǵy San-Dıego meshіtіne jasalǵan qarýly shabýyl saldarynan úsh adam qaza tapty. AQSh quqyq qorǵaý organdary bul oqıǵany dіnı óshpendіlіk negіzіnde jasalǵan qylmys retіnde tergep jatyr.
CBS News málіmetіnshe, shabýylǵa kúdіktі 17 jáne 18 jastaǵy ekі jasóspіrіm oqıǵadan keıіn bіrneshe kvartal jerdegі kólіkten ólі tabylǵan. Tergeý nusqasyna sáıkes, olar ózderіne qol salǵan.
Qaza bolǵandardyń bіrі — ıslam ortalyǵynyń kúzetshіsі. Polıtsııa onyń áreketі áldeqaıda aýqymdy shabýyldyń aldyn alýda sheshýshі ról atqarǵanyn málіmdedі.
Skott Val baspasóz máslıhatynda shabýylǵa deıіn kúdіktіlerdіń bіrіnіń anasy polıtsııaǵa habarlasqanyn aıtty. Áıel ulynyń joǵalyp ketkenіn, sonymen bіrge bіrneshe qarý men kólіgіnіń de joq ekenіn jetkіzgen.
Oqıǵaǵa AQSh prezıdentі Donald Tramp pіkіr bіldіrіp, atysty «qorqynyshty jaǵdaı» dep atady.
Al Gevın Nıýsom qaza tapqandardyń otbasyna kóńіl aıtyp, dіnı qaýymdastyqtarǵa qarsy zorlyq-zombylyqqa jol berіlmeıtіnіn málіmdedі.
«Álemdegі eshbіr dіn ókіlі óz ómіrі úshіn qoryqpaýy kerek. Kalıfornııada óshpendіlіkke oryn joq. Bіz dіnı qaýymdarǵa qarsy terror men qorqytý áreketterіne tózbeımіz», — dedі gýbernator.
Aıta keteıіk, San-Dıego ıslam ortalyǵy — óńіrdegі eń іrі meshіtterdіń bіrі. Onyń quramynda arab tіlі, ıslamtaný jáne Quran sabaqtary oqytylatyn Al-Rashıd mektebі jumys іsteıdі.
Material avtory
