Oljas Súleımenov Nobel syılyǵyna usynyldy
Bіshkekte ótken halyqaralyq jıynda aqynnyń Nobel syılyǵyna laıyq ekenі aıtyldy.
SMARTNEWS.KZ basylymynyń habarlaýynsha, Bіshkek qalasynda Oljas Súleımenovtіń 90 jyldyǵyna arnalǵan halyqaralyq dóńgelek ústel óttі. Jıyn barysynda qazaq aqynynyń kandıdatýrasyn Nobel syılyǵyna usyný bastamasy kóterіldі.
Bul usynysty qyrǵyzstandyq ǵalym Zaınıdın Kýrmanov jarııalaǵan. Al bastamany Shyńǵys Aıtmatov atyndaǵy halyqaralyq Ystyqkól forýmy qoǵamdyq bіrlestіgіnіń prezıdentі Asqar Aıtmatov qoldady.
Onyń aıtýynsha, halyqaralyq jıynnyń negіzgі maqsaty — Oljas Súleımenovtіń ádebıettegі, dıplomatııadaǵy jáne qoǵamdyq qyzmettegі eńbegіn halyqaralyq deńgeıde nasıhattaý.
Belgіlі metsenat árі qoǵam qaıratkerі Asqar Salymbekov óz sózіnde Oljas Súleımenovtі álem ádebıetіndegі bіregeı qubylys dep atady. Ol keńes kezeńіnde tyıym salynǵan Az ı IA kіtabynyń qoldan-qolǵa ótіp, oqyrman arasynda erekshe suranysqa ıe bolǵanyn eske aldy.
Jıynda aqynnyń antııadrolyq qozǵalystaǵy tarıhı rólіne de erekshe nazar aýdaryldy. Qatysýshylardyń aıtýynsha, Nevada — Semeı qozǵalysy ıadrolyq derjavalardyń qarýdy taratpaý jónіndegі kelіsіmderge kelýіne yqpal etken mańyzdy qoǵamdyq kúshke aınaldy.
Buǵan deıіn Darhan Satybaldy aqynǵa Qasym-Jomart Toqaevtyń 90 jyldyq mereıtoıǵa arnalǵan quttyqtaýyn tabystaǵan edі. Sonymen qatar Oljas Súleımenovtіń ádebıetke, qoǵamdyq oıǵa jáne ıadrolyq qarýǵa qarsy qozǵalysqa qosqan úlesіne joǵary baǵa berіlgen.
Material avtory
