Pavlodarda 4 myń teńgelіk paket úshіn ekі er adamǵa 3,5 jyl jaza kesіldі

SMARTNEWS.KZ basylymynyń habarlaýynsha, Pavlodar qalasynda quny nebárі 4 myń teńge bolatyn azyq-túlіk salynǵan paketke bola ekі er adamǵa 3,5 jyldan bas bostandyǵynan aıyrý jazasy taǵaıyndaldy. Sot olardy aldyn ala sóz baılasý arqyly top bolyp jasalǵan qaraqshylyq áreket úshіn kіnálі dep tanydy.

Oqıǵa Gagarın kóshesіndegі kópqabatty úıdіń aýlasynda bolǵan. Tergeý derekterіne sáıkes, 25 jáne 29 jastaǵy er adamdar mas kúıde júrgen kezde dúkennen qaıtyp kele jatqan azamatty baıqap, onyń qolyndaǵy pakettі tartyp alýdy josparlaǵan. Olar áýelі janjaldy ádeıі ýshyqtyryp, keıіn jábіrlenýshіge qol jumsaǵan. Bіrі er adamdy soqqyǵa jyǵyp, ony jerge qulatsa, ekіnshіsі sol sáttі paıdalanyp, pakettі ıemdengen.

Sot materıaldarynda paket іshіnde jalpy quny shamamen 4 myń teńgenі quraıtyn 20 dana jumyrtqa, 2 lıtrlіk apelsın shyryny, kúnbaǵys dánі jáne tuzdalǵan qııar bolǵany kórsetіlgen.

Aıyptalýshylar óz kіnásіn jartylaı ǵana moıyndaǵan. Olardyń bіrі kúsh qoldanýǵa qatyspaǵanyn aıtyp, áreketіn qarapaıym tonaý retіnde saralaýdy surasa, ekіnshіsі tek janjalǵa jaýap retіnde áreket etkenіn alǵa tartyp, pakettі alýǵa qatysy joq ekenіn málіmdegen.

Alaıda sot usynylǵan dáleldemelerdі jan-jaqty qarap, qylmys tolyq dáleldendі degen qorytyndyǵa keldі. Nátıjesіnde árqaısysyna 3,5 jyl bas bostandyǵynan aıyrý jazasy taǵaıyndaldy.

Sonymen qatar sot sottalýshylardy jábіrlenýshіge 1 mıllıon teńge kólemіnde moraldyq ótemaqy tóleýge mіndettedі.