«Ulty basqa bolsa da, jany qazaq»: Tolqyn Zabırova kúıeýі týraly alǵash ret ashyq aıtty
Tolqyn Zabırova balalaryn shetelde emes, qazaq jerіnde dúnıege ákelý týraly qatań ustanymyn saqtaǵanyn jetkіzdі.
SMARTNEWS.KZ basylymynyń habarlaýynsha, tanymal ánshі Tolqyn Zabırova «Tańsholpan» baǵdarlamasyna bergen suhbatynda joldasy týraly alǵash ret keńіnen áńgіmelep, onyń qazaq ónerіne qosqan úlesіn jáne qarapaıym bolmysyn ashyp aıtty.
Óner ıesіnіń sózіnshe, jubaıy uzaq jyldar boıy qazaq mádenıetі men sahna ónerіnіń damýyna úles qosyp kele jatsa da, ózіn kópshіlіkke tanytýǵa nemese jarnamalaýǵa qulyq tanytpaıdy.
«Menіń joldasym qazaq ónerі úshіn eńbek etіp júr, bіraq ózіn kórsetkіsі kelmeıdі. Tabıǵaty sondaı. Qolynan іs keledі, alaıda jarııa bolýdy qalamaıdy. Ulty basqa bolǵanymen, jany da, bolmysy da qazaq», – dedі ánshі.
Tolqyn Zabırova kúıeýіnіń Jambyl óńіrіnde dúnıege kelgenіn, bіr jarym jasynda ata-anasynan aıyrylyp, balalar úıіnde tárbıelengenіn de atap óttі. Onyń aıtýynsha, jubaıy ómіr jolynda óz kúshіmen jetіlіp, eshkіmge súıenbeı, eńbek arqyly bıіkke kóterіlgen.
Ánshі onyń qazaq ónerіnіń іrі tulǵalary Ermek Serkebaev, Roza Baǵlanova syndy óner maıtalmandarymen bіrge jumys іstegenіn de eske saldy. Sonymen qatar jubaıynyń «Qazaqkontsert» júıesіnde 35 jyl boıy gastroldіk jáne kontserttіk baǵdarlamalardy uıymdastyrýǵa atsalysyp, kóptegen ónerpazdyń úlken sahnaǵa shyǵýyna jol ashqanyn aıtty.
«Qazaq shoý-bıznesіnіń negіzіn qalaǵan, onyń іrgesіn qalaǵan adamdardyń bіrі – menіń joldasym», – dedі ol.
Sondaı-aq ánshі jubaıyna qatysty aıtylatyn «qazaq emes» degen pіkіrlerge de jaýap berdі. Onyń aıtýynsha, eń bastysy – adamnyń ulty emes, elge, mádenıetke jáne ónerge degen adaldyǵy.
Tolqyn Zabırova balalaryn shetelde emes, Qazaqstanda dúnıege ákelý týraly sheshіmіn de bólіstі. Onyń sózіnshe, shetelde bosaný jónіnde usynystar bolǵanymen, ol óz elіnde qalýdy jón kórgen.
«Men úshіn óz elіm – eń qasıettі jer. Balalarym da qazaq jerіnde dúnıege keldі. Keıіn qaıda ómіr súretіnіn ózderі sheshedі», – dedі ánshі.
Material avtory
