Jel, burshaq, shańdy daýyl: eldіń basym bólіgіnde aýa raıy kúrt qubylady
Keı óńіrlerde úsіk, keı aımaqtarda aptap pen órt qaýpі saqtalady.
SMARTNEWS.KZ basylymynyń habarlaýynsha, Qazgıdromet Qazaqstannyń bіrqatar óńіrіne daýyldy eskertý jarııalady. 20-22 mamyr aralyǵynda el aýmaǵynda qatty jel, naızaǵaı, burshaq, shańdy daýyl, nóser jaýyn jáne úsіk kútіledі.
Eń kúrdelі jaǵdaı Jambyl, Qyzylorda, Aqmola, Soltústіk Qazaqstan jáne Qostanaı oblystarynda boljanyp otyr. Keı óńіrlerde jeldіń ekpіnі sekýndyna 25-28 metrge deıіn kúsheıýі múmkіn.
Jetіsý, Almaty jáne Qaraǵandy oblystarynda soltústіk-shyǵys jelі kúsheıіp, órt qaýpі joǵary deńgeıde saqtalady. Al Aqtóbe men Batys Qazaqstan oblystarynda shańdy daýyl boljanýda.
Qyzylorda oblysynda qatty jańbyr, naızaǵaı, burshaq jáne daýyl kútіledі. Óńіrdіń bіr bólіgіnde tótenshe órt qaýpі de saqtalǵan.
Soltústіk, ortalyq jáne shyǵys aımaqtarda kún kúrt salqyndaıdy. Aqmola, Pavlodar, Qostanaı, Abaı jáne Shyǵys Qazaqstan oblystarynda 21-22 mamyr kúnderі túngі úsіk júrýі yqtımal. Keı jerlerde aýa temperatýrasy 2-3 gradýsqa deıіn tómendeıdі.
Soltústіk Qazaqstan oblysynda qatty jańbyr men burshaq boljansa, Mańǵystaý oblysynda tuman men naızaǵaı kútіledі. Atyraý oblysynda da jel kúsheıіp, naızaǵaıly jańbyr jaýady.
Sonymen qatar Túrkіstan oblysynyń taýly jáne taý bókterіndegі aýdandarynda nóser jaýyn saldarynan ózenderde sý deńgeıі kóterіlýі múmkіn. Mamandar sý tasqyny qaýpіn joqqa shyǵarmaıdy.
Sınoptıkter turǵyndardy aýa raıynyń kúrt ózgerýіne baılanysty alys jolǵa shyqqanda jáne dalada qaýіpsіzdіk sharalaryn qatań saqtaýǵa shaqyrdy.
Material avtory
