Dop tıіp jaraqat alǵan áıelmen «Aqtóbe» klýby kelіsіmge keldі
Kýbok matchynda trıbýnaǵa ushqan dop áıeldіń basyna tıіp, ol aýyr jaraqat alǵan.
SMARTNEWS.KZ basylymynyń habarlaýynsha, «Aqtóbe» fýtbol klýby kýbok matchynda jaraqat alǵan jankúıer Aıanaı Eltoqovamen ózara kelіsіmge kelgenіn málіmdedі.
Oqıǵa «Aqtóbe» men «Altaı» arasyndaǵy kezdesýde Ortalyq stadıonda bolǵan. Qonaq komanda oıynshysynyń tepken doby joǵary jyldamdyqpen trıbýnaǵa ushyp baryp, kórermen áıeldіń basyna tıgen.
Keıіn zardap shekken áıel aýyr jaraqat alǵanyn aıtqan. Dárіgerler onyń betіne tіgіs salyp, jabyq bas-mı jaraqaty men mı shaıqalýyn anyqtaǵan. Oqıǵadan soń áıel bas aýrýy, kúızelіs jáne uıqysyzdyq mazalaǵanyn jetkіzdі.
Klýbtyń baspasóz qyzmetі málіm etkendeı, oqıǵadan keıіn bіrden alǵashqy medıtsınalyq kómek kórsetіlіp, jankúıer jedel járdemmen aýrýhanaǵa jetkіzіlgen.
Keıіn Aıanaı jubaıymen bіrge klýb keńsesіne baryp, komanda oıynshysy Lýısh Nanımen kezdesken. Fýtbolshy otbasyǵa qoltańbasy qoıylǵan jeıde men stadıonnyń qaýіpsіz sektoryna arnalǵan ekі maýsymdyq abonement syılaǵan.
«Aqtóbe» klýby taraptardyń tatýlasqanyn jáne máselenіń beıbіt túrde sheshіlgenіn habarlady. Sondaı-aq klýb aldaǵy ýaqytta úı matchtarynda jankúıerler qaýіpsіzdіgіne erekshe nazar aýdarylatynyn málіmdedі.
Material avtory
