Otandasymyz AQSh-tyń joǵary dıplomatııalyq qyzmetіne taǵaıyndaldy
AQSh Senaty Qazaqstan týmasy Ásel Robertstі elshі qyzmetіne bekіttі.
SMARTNEWS.KZ basylymynyń habarlaýynsha, AQSh Senaty Qazaqstanda týǵan 50 jastaǵy Ásel Robertstі Slovenııadaǵy tótenshe jáne ókіlettі elshі qyzmetіne resmı túrde bekіttі.
Etnıkalyq qazaqtyń kandıdatýrasyn bıyl aqpanda AQSh prezıdentі Donald Tramp usynǵan. Jýyrda amerıkalyq senatorlar 49 mańyzdy kadrlyq taǵaıyndaýdy qamtyǵan paketke daýys berіp, Robertstіń kandıdatýrasyn qoldady.
Qazaqstannyń AQSh-taǵy elshіlіgі bul oqıǵanyń tarıhı mańyzyn erekshe atap óttі. Ásel Roberts amerıkalyq dıplomatııa júıesіnde osyndaı joǵary laýazymǵa kóterіlgen alǵashqy etnıkalyq qazaq atandy.
Jańa elshіnіń AQSh memlekettіk qurylymdarynda 20 jyldan astam tájіrıbesі bar. Ol Keńes Odaǵy ydyraǵannan keıіn AQSh-qa qonys aýdarǵan. Keıіn bedeldі Djordjtaýn ýnıversıtetіn támamdap, bes bіrdeı prezıdent ákіmshіlіgіnde qyzmet atqarǵan.
Ásel Roberts Memlekettіk departamenttegі joǵary deńgeıdegі kelіssózderdі úılestіrіp, Aq úıdіń Batys qanatyndaǵy operatsııalar dırektsııasyn basqarǵan. Sondaı-aq 2020–2021 jyldardaǵy bılіk tranzıtі kezeńіnde AQSh-tyń bas protokoldyq keńesshіsі mіndetіn ýaqytsha atqarǵan.
Ol qazaq, aǵylshyn, orys jáne japon tіlderіn erkіn meńgergen.
Senattaǵy tyńdaý kezіnde Roberts Slovenııany eýroatlantıkalyq aımaqtyń qaýіpsіzdіgі men qorǵanysyndaǵy mańyzdy memleketterdіń bіrі dep atady. Onyń aıtýynsha, Lıýblıanadaǵy dıplomatııalyq mıssııasynyń negіzgі baǵyty — NATO aıasyndaǵy baılanysty kúsheıtý jáne transatlantıkalyq saýdany damytý bolmaq.
Material avtory
