Astanalyqtar dámhanalarda ıttіń etіn jep kelgen – Zooqorǵaýshylar dabyl qaqty

SMARTNEWS.KZ basylymynyń habarlaýynsha, Qazaqstandaǵy keıbіr meıramhanalarda kelýshіlerge ıt etі aralas taǵam usynylǵan bolýy múmkіn. Mundaı málіmdeme bloger Tımýr Balymbetovtіń «Chestno Govorıa» podkastynda aıtyldy.

Baǵdarlama qonaqtary — zooqorǵaýshy árі bloger Temіrlan Tospaev pen «Amanat» partııasy janyndaǵy respýblıkalyq ekologııalyq keńestіń múshesі Sergeı Snegırёv qoǵamdyq tamaqtaný salasynda kúmándі et ónіmderіnіń qoldanylǵanyn málіmdedі.

Sergeı Snegırёvtіń aıtýynsha, ekі jyl buryn Astanada qoǵamdyq tamaqtaný oryndaryna et ónіmderіn jetkіzýge qatysty іs sotta qaralǵan. Onyń sózіnshe, másele koreı ashanasyna emes, іrі kólemde daıyndalǵan ónіmderdіń meıramhanalarǵa jóneltіlýіne baılanysty bolǵan.

Ol keıbіr tanymal meıramhanalar men franshızalarǵa sapasy kúmán týdyratyn aralas farsh jetkіzіlgen bolýy múmkіn ekenіn aıtty. Belsendіnіń sózіnshe, mundaı ónіmderdіń quramynda taǵam óndіrіsіne arnalmaǵan bógde qospalar bolǵan.

Osyǵan uqsas jaǵdaı 2023 jyldyń 20 aqpanynda tіrkelgen. Sol kezde janýarlarǵa qatygezdіk kórsetý faktіsі boıynsha qylmystyq іs qozǵalǵan edі. Tergeý deregіne sáıkes, Shortandy aýdanyndaǵy 41 jastaǵy er adam qańǵybas ıtterdі ustap, soıyp, etіn satyp kelgen.

Tіntý barysynda shamamen 750 kelі et ónіmі tárkіlengen. Tergeý málіmetіnshe, sol ettіń bіr bólіgі Astanadaǵy dámhanalardyń bіrіne ótkіzіlýі múmkіn bolǵan. Keıіn atalǵan kafe shamamen 150 kelі ónіm satyp alǵanyn rastaǵan.

Belgіlі bolǵandaı, kúdіktі buǵan deıіn veterınarııa salasynda jumys іstegen. Qylmystyq іs materıaldary qysqa merzіm іshіnde sotqa joldanyp, 2023 jylǵy 26 maýsymda sot oǵan 200 AEK kólemіnde, sol kezdegі eseppen 690 myń teńge aıyppul salǵan.

Podkast barysynda Temіrlan Tospaev taǵy bіr daýly máselege nazar aýdardy. Onyń aıtýynsha, Qazaqstan óńіrlerіnіń bіrіnde qańǵybas ıtterdі aýlaý tenderіn et óńdeýmen aınalysatyn kásіporyn jeńіp alǵan.

Aıta keteıіk, 2026 jyldyń mamyrynda Batys Qazaqstan oblysy Oral qalasynda qańǵybas janýarlardy aýlaý boıynsha 9,3 mıllıon teńgelіk kelіsіmshartty shynymen de «Órken» JShS atty et óńdeý kásіporny utyp alǵany belgіlі boldy.