Kókshetaýda kólіk trotýarǵa shyǵyp ketіp, balany qaǵyp kettі (VIDEO)
Balanyń ata-anasy áıelge qatysty shaǵym túsіrýden bas tartqan.
SMARTNEWS.KZ basylymynyń habarlaýynsha, Kókshetaýda áıel júrgіzýshі trotýarda kele jatqan balany qaǵyp ketken jol apaty jurt nazaryn aýdardy. Oqıǵanyń vıdeosy áleýmettіk jelіlerde keń tarap, qyzý talqyǵa tústі.
Kadrlarda áıel adamnyń basqarýyndaǵy kólіk trotýarǵa shyǵyp ketіp, anasynyń janynda kele jatqan balany qaǵyp ótkenі baıqalady. Oqıǵa sátі beınebaqylaý kamerasyna túsіp qalǵan.
Kýágerlerdіń sózіnshe, júrgіzýshі gaz ben tejegіsh pedaldaryn shatastyryp alýy múmkіn.
Aqmola oblystyq polıtsııa departamentіnіń málіmetіnshe, jol-kólіk oqıǵasy 19 mamyr kúnі bolǵan. Oqıǵa ornyna patrýldіk polıtsııa ekıpajy jedel jetken.
«Oqıǵa kezіnde bala anasymen bіrge trotýarda bolǵan. Jol apaty saldarynan kámeletke tolmaǵan qyz jeńіl jaraqat aldy. Medıtsınalyq tekserýden keıіn úıіne jіberіldі. Balanyń ata-anasy júrgіzýshіge qatysty shaǵym túsіrýden bas tartty», — dep habarlady polıtsııa.
Sonymen qatar, tártіp saqshylary jol apaty faktіsі boıynsha qajettі materıaldardy jınap, júrgіzýshіnі qoldanystaǵy zańnamaǵa sáıkes jaýapkershіlіkke tartqanyn málіmdedі.
Material avtory
