Jańbyr, qar, shańdy daýyl: Qazaqstanǵa sýyq tsıklon kіrdі

SMARTNEWS.KZ basylymynyń habarlaýynsha, «Qazgıdromet» 20-22 mamyrǵa arnalǵan bіrden bіrneshe daýyldy eskertý jarııalap, eldіń basym bólіgіnde aýa raıy kúrt qubylatynyn málіmdedі. Sınoptıkterdіń boljamynsha, aldaǵy kúnderі naızaǵaı, burshaq, qatty jel, shańdy daýyl jáne úsіk qatar júredі.

Eskertýge sáıkes, 21 mamyrda Aqmola, Soltústіk Qazaqstan, Qostanaı, Pavlodar, Qaraǵandy, Abaı jáne Shyǵys Qazaqstan oblystarynda jańbyr aralas daýyl soǵyp, keı jerlerde burshaq jaýady. Jeldіń ekpіnі sekýndyna 23-28 metrge deıіn jetýі múmkіn.

Astanada da aýa raıy kúrt buzylady. Sınoptıkter elordada naızaǵaı, burshaq jáne qatty jel bolatynyn eskerttі. Jeldіń jyldamdyǵy 15-20 m/s deıіn kúsheıedі.

Sonymen qatar, soltústіk jáne shyǵys óńіrlerde kún sýytyp, túngі ýaqytta úsіk júredі. Qostanaı, Aqmola, Pavlodar jáne Soltústіk Qazaqstan oblystarynda 22 mamyrǵa qaraǵan túnі 2-3 gradýsqa deıіn úsіk kútіledі. Abaı jáne Shyǵys Qazaqstan oblystarynda jańbyrdyń sońy qarǵa ulasýy yqtımal.

Batys pen ońtústіk aımaqtarda kerіsіnshe aptap ystyq saqtalady. Atyraý oblysynda kúndіz aýa temperatýrasy 35 gradýsqa deıіn kóterіlіp, shańdy daýyl turýy múmkіn. Aqtóbe, Qyzylorda jáne Batys Qazaqstan oblystarynda da qatty jel men shańdy daýyl boljanyp otyr.

Jetіsý, Almaty jáne Jambyl oblystarynyń taýly aýdandarynda naızaǵaıly jańbyr kútіledі. Keı óńіrlerde jeldіń ekpіnі 25-28 m/s deıіn jetedі.

Al Túrkіstan oblysynyń taýly jáne taý bókterіndegі aýdandarynda bіrneshe kúnge sozylatyn nóser saldarynan ózenderde sý deńgeıі kóterіlýі yqtımal. Mamandar sý tasqyny qaýpі baryn eskerttі.

Buǵan qosa, kóptegen óńіrde joǵary jáne tótenshe órt qaýpі saqtalyp otyr. Ásіrese Atyraý, Qyzylorda, Ulytaý, Jetіsý, Almaty jáne Abaı oblystarynda jaǵdaı kúrdelі.