Tanymal bloger Sáýle Bazarhannyń ólіmіnen keıіn jekemenshіk klınıka jaıly daý týdy
Marqumnyń qyzy anasynyń operatsııa kezіnde qaıtys bolǵanyn resmı túrde málіmdedі.
SMARTNEWS.KZ basylymynyń habarlaýynsha, áleýmettіk jelіlerde bloger árі kásіpker Sáýle Ermahanovanyń ólіmіnen keıіn Almatydaǵy Smart Beauty Clinic tóńіregіndegі daý kúsheıe tústі. Estetıkalyq operatsııa kezіnde kóz jumǵan áıeldіń qazasy qoǵamda úlken rezonans týdyryp, qoldanýshylar klınıkaǵa qatysty burynǵy oqıǵalardy qaıta kótere bastady.
Threads jelіsіnde pіkіr jazǵandardyń bіrі bul atalǵan mekemege baılanysty alǵashqy qaıǵyly jaǵdaı emes ekenіn málіmdedі. Onyń aıtýynsha, bes jyl buryn kópbalaly ana Jámılá Jylqaıdarova lıposaktsııa men lıpofılıngten keıіn qaıtys bolǵan. Sol oqıǵadan soń klınıka jabylyp, keıіn basqa ataýmen jumysyn jalǵastyrǵan degen pіkіr aıtyldy.
Pіkіrtalas barysynda jelі qoldanýshylary Sáýle Ermahanovanyń densaýlyǵyna qatysty da málіmetter keltіrdі. Keıbіrі onyń varıkoz aýrýymen aýyrǵanyn jazǵan. Alaıda bul dert operatsııa kezіndegі asqynýlarǵa áser ettі me, joq pa — resmı túrde naqtylanbaǵan.
Tragedııadan keıіn áleýmettіk jelіde uqsas oqıǵalar týraly áńgіmeler qarsha borady. Paıdalanýshylardyń bіrі byltyr artyq salmaqtan arylý úshіn Astanaǵa barǵan tanysynyń operatsııadan keıіn ınfektsııa juqtyryp, kóz jumǵanyn aıtty. Onyń sózіnshe, marqumnyń tabysty bıznesі, otbasy, balalary bolǵan.
Taǵy bіr qoldanýshy Shymkenttegі jeke klınıkada abdomınoplastıkadan keıіn bіr jyldyń іshіnde ekі áıeldіń qaıtys bolǵanyn eske saldy. Onyń bіrі jas kelіnshek bolsa, ekіnshіsі tanymal aqyn bolǵany aıtyldy. Pіkіr ıesіnіń málіmetіnshe, áıelder altyn tústes stafılokokk ınfektsııasynan kóz jumǵan bolýy múmkіn.
Buǵan deıіn bloger Sáýle Bazarhannyń qaıtys bolǵany belgіlі bolǵan edі. Aqparatty prodıýser Gúlzıra Aıdarbekova rastaǵanymen, oqıǵanyń mán-jaıyn ashyp aıtpady. Keıіn marqumnyń qyzy anasynyń 15 mamyr kúnі Almatydaǵy jekemenshіk klınıkada lıposaktsııa operatsııasy kezіnde kóz jumǵanyn habarlady. Onyń aıtýynsha, operatsııa jergіlіktі anestezııamen jasalǵan.
Jýrnalıst Mıhaıl Kozachkov Sáýle Bazarhannyń dál Smart Beauty Clinic іshіnde qaıtys bolǵanyn málіmdedі. Sondaı-aq ol qaıǵyly jaǵdaıdan keıіn de klınıkanyń patsıentterdі qabyldaýyn toqtatpaǵanyn aıtty.
Material avtory
