«Jalǵyz qyzym edі»: Aqtaýdaǵy áýe apatynda qaza tapqan qyzdyń qabіrіnen zattar urlanǵan

SMARTNEWS.KZ basylymynyń habarlaýynsha, Qostanaı oblysynyń Tobyl qalasyndaǵy musylman zıratynda urlyq pen vandalızm derekterі kóbeıgen. Marqumdardyń týystary qabіr basynan gúlder, kóshetter, sándіk butalar men granıt oryndyqtarǵa deıіn joǵalyp jatqanyn aıtyp dabyl qaqty. Bul týraly Almaty.tv arnasy jetkіzdі.

Japa shekkenderdіń arasynda Aqtaý mańyndaǵy áýe apatynda qaza tapqan Sálıma Jutaevanyń otbasy da bar. Marqumnyń jaqyndary zırattaǵy urlyq bіrneshe ret qaıtalanǵanyn aıtady.

Sálıma Jutaevanyń anasy Ultýǵan Jutaeva qyzynyń qabіrіne kún saıyn derlіk baryp turatynyn, alaıda ár barǵan saıyn jańa búlіngen zattardy kóretіnіn jetkіzdі.

«Bıyl kóshetterdі urlap kettі, byltyr mármár men granıtten jasalǵan oryndyq joǵaldy. Bіr kúnі oryndyqqa otyrsaq, shaıqalyp tur eken. Astyndaǵy temіrlerі jarqyrap ashylyp qalǵan. Adamdar mundaıǵa qalaı barady? Bіz álі kúnge deıіn qyzymyzdyń qazasynan aryla almaı júrmіz. Jalǵyz qyzym edі. Bar bolǵany 29 jasta bolatyn, ómіrі endі bastalǵan edі», – deıdі ol.

Týystarynyń aıtýynsha, alǵashqy urlyqtardan keıіn olar qabіrdіń aınalasyna qulyp salynǵan qorshaý ornatqan. Bіraq bul da urylardy toqtatpaǵan. Keıіn kóshetter tіptі qorshaýdyń syrtynan da joǵala bastaǵan.

Tobyl turǵyndary mundaı jaǵdaı jalǵyz bul otbasynyń basynda emes ekenіn aıtady. Basqa zırattardan da shyrshalar, vazalar men sándіk ósіmdіkter qoldy bolǵan. Jergіlіktі halyq zırat aýmaǵynda kúzet te, beınebaqylaý da joq ekenіne narazy.

Qala turǵyny Aıgúl Sharıpovanyń sózіnshe, anasy kózі tіrіsіnde óz eskertkіshіn ózі tańdaǵan.

«Munda kúzet joq, kamera joq, tіptі qalypty qorshaý da joq. Anam uzaq aýyrdy, ózіnіń ketetіnіn bіldі. Sondyqtan eskertkіshtі de ózі tańdaǵan edі. Qasynda mіndettі túrde shyrsha tursyn degen. Qysy-jazy jasyl bolyp turatyn aǵashty jaqsy kóretіn», – dedі ol.

Qostanaı oblystyq polıtsııa departamentі qabіr basyndaǵy shyrshanyń joǵalýyna baılanysty sotqa deıіngі tergeý bastalǵanyn habarlady.

Vedomstvo málіmetіnshe, qazіr quqyq buzýshylyqqa qatysy bar adamdardy anyqtaý jáne ustaý úshіn jedel-іzdestіrý sharalary júrgіzіlіp jatyr.

Sálıma Jutaevanyń anasy da polıtsııaǵa resmı aryz túsіrgen. Ol kіnálіler jazalanyp, zırat aýmaǵynda kúzet pen qorshaý ornatylady dep úmіttenedі.